La XXII Selmana de la Ciencia y l'Innovación de la Universidá d'Uviéu, el mayor eventu de divulgación científica d'Asturies, va desenvolver ente'l 7 y el 20 de payares un ambiciosu programa d'actividaes nel que van participar abargana de 12.000 estudiantes, sumando los 5.000 alumnos de Secundaria, Bachilleratu y Formación Profesional que van allegar hasta la universidá y casi 7.000 que van recibir nos sos centros les visites de el investigadores de la institución académica.

 

La iniciativa, que cunta cola collaboración del Ministeriu de Ciencia ya Innovación, al traviés de la Fundación Española pa la Ciencia y Tecnoloxía (FECYT), y de les conseyeríes de Ciencia, Innovación y Universidá, y d'Educación, va tener nesta nueva edición xuna participación récord y un programa bien curiosu qu'inclúi árees de la conocencia bien diverses. Más de 200 investigadores van formar parte d'esta iniciativa de divulgación científica con conferencies, talleres, esperimentos ya inclusive dos representaciones teatrales. 

 

‘Ciencia n'escena'

Xuna de les novedaes más destacaes d'esta iniciativa de divulgación científica va ser la puesta en marcha de Ciencia n'escena, un proyectu impulsáu en collaboración cola Conseyería de Ciencia y el Conceyu d'Uviéu. El martes, 16 de payares nel Teatru Filarmónica van poner n'escena dos obres de teatru a les 10:00 y a les 11:30 hores empobinaes al alumnáu de Primaria. La primera d'elles, escrita y producida por personal investigador de la universidá, lleva por títulu La lloca academia de la Ciencia y enceta, cola ayuda de dellos científicos pernomaos, la naturaleza del cuerpu humanu dende distintes disciplines. La segunda, Yo quiero ser científica, supon un viaxe nel tiempu pa presentanos a delles muyeres de ciencia. Nueve investigadores de la Universidá Pública de Navarra presenten a Hedy Lamarr, Maria Sibylla Merian, Hipatia d'Alexandría, Sofia Kovalévskaya, Ada Lovelace, Marie Sklodowska-Curie, Emmy Noëther, Edith Clarke y Margarita Salas.

 

‘Ciencia apasionante'

Otru de los platos fuertes del programa lleva por títulu Ciencia apasionante, y va dexar qu'abargana de 5.000 estudiantes de Cuartu de la ESO y de Bachilleratu participen en 42 itinerarios nos Servicios Científicu-Técnicos y departamentos universitarios, col fin de conocer de primera esquito'l trabayu que desenvuelven y averase asina a la práctica científica por aciu pequenes demostraciones, prototipos o xuegos. Coles mesmes, nel marcu del Día de la Ciencia nel mio Colexu, el personal investigador de la institución académica asturiana va impartir más d'un centenar de charres que van llegar a barganal de 7.000 alumnos en distintos centros d'enseñanza de tolos niveles educativos d'Asturies. 

 

‘CONTACTU cola Biodiversidá' 

Otra novedá d'anguaño ye la primer collaboración cola Organización Nacional de Ciegos Españoles (ONCE). CONTACTU cola Biodiversidá ye xuna iniciativa de ciencia inclusiva prevista pal 11 de payares, na que, utilizando los exemplares calteníos na Colección Zoolóxica de la Universidá d'Uviéu, va amosase la diversidá animal a persones con discapacidá visual, de forma que por aciu el tactu pueda percibise la variabilidá de formes, testures y tamaños d'una selección de grupos animales, tanto vertebraos, como invertebraos.

El rector de la Universidá d'Uviéu estimó l'esfuerzu de tolos participantes que, añu tres d'añu, superen les mires nel que se convirtió yá'l mayor eventu de divulgación científica que se celebra n'Asturies. Ignacio Villaverde destacó, amás, qu'iniciatives como esta Selmana de la Ciencia son una escelente cala pa la captación de futures vocaciones científiques ente la población más nueva. 

 

Delles actividaes destacaes

Les actividaes, abiertes al públicu, van empecipiase'l llunes, día 7, a les 19:30 hores, cola conferencia del investigador Pablo Alonso González, Adomando la lluz, que va tener llugar na Aula Magna del Edificiu Históricu.

 

El martes, día 8, va rindise homenaxe a Santiago Ramón y Cajal con un taller sobro'l celebru, que se va desenvolver, a les 17:00 hores, na Facultá de Medicina. Y darréu, a les 19:30 hores, na Aula Magna del Edificiu Históricu, va tener llugar la charra titulada Legáu de Cajal, que va correr a cargu del profesor de la Universidá de Salamanca y del Institutu de Neurociencies de Castiella y Llión, José Ramón Alonso Peña.

 

El miércoles, día 9, tamién na Aula Magna de la Universidá d'Uviéu, Susana Al-Halabí, profesora del Departamentu de Psicoloxía, va impartir xuna charra sobro "Más psicoloxía y menos tabú: prevención de la conducta suicida".

 

Pal xueves, 10 de payares, l'investigador Pedro González Menéndez va encetar la relación ente cáncer y diabetes na Capiya Universitaria. El vienres, 11, va cerrase'l ciclu de conferencies con Beatriz Remeseiro López, profesora del departamentu d'informática, que va disertar sobro una tema de gran actualidá como'l Pasáu, presente y futuru del "deep learning".

 

La Selmana de la Ciencia y l'Innovación va cuntar amás con una esposición urbana que va amosar el papel de la ciencia: la física, la química, la matemática y la bioloxía nos campus universitarios d'Uviéu, Xixón y Mieres.