La Universidá d'Uviéu incorporó nueves aplicaciones al so Campus Virtual para la meyora de la docencia y la comunicación ente la comunidá universitaria. Unu de los aspeutos más significativos d'estes meyores ye la unificación pal presente curso académicu 2022-2023 de too el so sistema de formación online al traviés de la integración de la redolada Microsoft Office 365 nel Campus Virtual. 

 

Unu de los oxetivos de la Universidá ye ameyorar la esperiencia d'usuariu en toos les sos redolaes virtuales, según ayudar a la digitalización de sistemes y procesos tantu de formación online, como de xestión y alministración electrónica. Dende'l mes d'agostu, la universidá yá tien activu'l so cursu académicu 2022-2023 na so plataforma de formación online, na cual incorporáronse importantes meyores y cambeos que van ayudar a profesoráu y estudiantáu na comunicación y revisión de xeres. 

 

El proyectu más ambiciosu pa esti nuevu cursu foi la integración de Microsoft Office 365 nel Campus Virtual. Con esta novedá, preténdese que los usuarios saquen un mayor rendimientu de les ferramientes pa la comunicación y docencia qu'inclúin dambos sistemes y que taben avezaos a utilizar como redolaes separaes. Dende agora, los usuarios van transitar ente dambes redolaes d'una manera más fluyida ensin necesidá de autenticarse n'unu o otru. 

 

Otra de les meyores d'esta integración y que va repercutir na planificación de los usuarios ye la posibilidá de sincronizar les cuentes de corréu electrónicu y los eventos de calendariu del Campus Virtual y Outlook. Aquellos usuarios que lu deseyen pueden recibir l'actualización d'eventos de la so asignatura tanto nel calendariu del Campus Virtual como nel so calendariu de Outlook. 

 

Per otru llau, cabo destacar que pal presente curso camudóse la ferramienta que venía siendo utilizada pa la detección de semeyances ente testos. Esti nuevu cursu, la comunidá educativa cuenta con Turnitin, col fin de garantizar la calidá y autenticidá de los trabayos del estudiantáu.

 

A lo último, actualizóse la versión del sistema de videoconferencia integráu nel Campus Virtual (Big Blue Button) como sofitu y complementu a Microsoft office 365 en delles materies.

 

Tou ello escuerre la meyora na comunicación ente profesores y estudiantes pa facilitar la docencia online que cada vez tien más titulaciones nesta modalidá. Col fin d'ayudar al profesoráu y alumnáu na so adaptación a la nueva redolada, a finales d'esti mes de setiembre van desenvolvese xuna serie d'espacios de comunicación directa col personal técnico del Campus Virtual, al traviés de soporte online, que dexen ufiertar tola información necesaria y resolvimientu de consultes inmediates sobro la nueva redolada.