La Universidá d'Uviéu fixo pública la cuarta llista en Fase A y segunda en Fase B y C d'almitíos en graos con llende de places. Los estudiantes almitíos tendrán de formalizar agora la so matrícula del 6 al 16 de setiembre. Quien nun formalice la matrícula va dexar la plaza llibre y va correr la llista d'axudicaciones. El periodu de reclamaciones tamién va tar abiertu dende'l 06 al 16 de setiembre.

 

El 27 de setiembre publicará la quinta llista d'almitíos en Fase A , la tercera en Fase B y C, y la primera en Fase D y Y. Les feches de preinscripción para les Fases D y Y, va ser del 15 al 20 de setiembre.

 

Les notes de corte d'esta cuarta axudicación son provisionales, yá que a midida que queden places llibres dirán cubriéndose con alumnos en llista d'espera. Nesta primer fase, los estudios de grau con nota d'accesu más alta son: Medicina (13,005), Doble  Grau en Matemátiques y Física (12,608 Opción A y 12,946 Opción B), Biotecnoloxía (12,468) y Odontoloxía (12,835).