La Universidá d'Uviéu fixo pública la tercera llista en Fase A y primer en Fase B y C d'almitíos en graos con llende de places. Los estudiantes almitíos tendrán de formalizar agora la so matrícula del 25 al 31 d'agostu. Quien nun formalice la matrícula va dexar la plaza llibre y va correr la llista d'axudicaciones. El periodu de reclamaciones tamién va tar abiertu dende'l 25 al 31 d'agostu.

 

El 6 de setiembre publicará la cuarta llista d'almitíos en Fase A y la segunda en Fase B y C, y el 27 de setiembre, la quinta axudicación de places en Fase A y la tercera en Fase B y C.

 

Les notes de corte d'esta tercer axudicación son provisionales, yá que a midida que queden places llibres dirán cubriéndose con alumnos en llista d'espera. Nesta primer fase, los estudios de grau con nota d'accesu más alta son: Medicina (13,065) Doble Grau en Matemátiques y Física (12,663 Opción A y 12,990 Opción B), Biotecnoloxía (12,731) y Odontoloxía (12,950).