La Universidá d'Uviéu, al traviés del INDUROT, participa na estensión del proyectu Atlantic Risk Management Plan in Water and Soil, Risk-AquaSoil, una iniciativa que tien como oxetivu contribuyir a ameyorar los sistemes de xestión de riesgos en suelos en delles rexones del Arcu Atlánticu. El proyectu Risk-AquaSoil ta cofinanciáu pol Fondu Européu de Desenvolvimientu Rexonal (FEDER) al traviés del Programa de Cooperación Territorial Europea Interreg Espacio Atlánticu (2014-2020). 

 

Nel proyectu intervienen ocho socios de cinco países europeos:

Association Climatologique de la Moyenne-Garonne et du Sud-Ouest (Francia).

Chambre d'Agriculture de la Dordogne (Francia).

Westcountry Rivers Trust (Reinu Uníu).

Laboratório da Paisagem (Portugal)

National University of Ireland, Galway (Irlanda).

Centru de Estudos Sociais, Universidade de Coimbra (Portugal).

INDUROT,Universidá d'Uviéu (España).

Institutu Vascu d'Investigación y Desenvolvimientu Agrariu, NEIKER (España).

Coles mesmes, la consultora asturiana Grupu DEX brinda sofitu esternu al proyectu y a los sos socios.

 

En concretu, el INDUROT va participar nel WP4 d'alerta temprano y diagnósticu, por aciu una investigación aplicada sobro la degradación de suelos producida por quemes forestales y actividaes mineres n'Ayande y Ibias, a partir de datos llograos con técniques de teledetección (por aciu satélite y vehículos aéreos non tripulaos), y de toma y analises d'amueses de suelu. Como resultáu de la investigación, espérase disponer d'un sistema d'alerta temprano y de baxu costu sobro factores que puedan afectar al suelu, como la erosión o degradación.

 

L'equipu científicu asturianu ta formáu por José Luis Rodríguez Gallego, como investigador principal, y por Carlos Antonio López Sánchez, Arturo Colina Vuelta, Laura García de la Fuente, María García Álvarez y Lorena Salgado Fernández.