La vicepresidenta tercer y ministra para la Transición Ecolóxica del Gobiernu d'España, Teresa Ribera, participó esta mañana nun alcuentru con alumnáu de la Universidá d'Uviéu, nel que cuestiones como la situación enerxética actual, la sostenibilidá o'l futuru profesional del estudiantáu asistente, fueron protagonistes. 

 

L'actu, celebráu con estudiantes d'últimu cursu de Grau y de Máster Universitarios na Aula Magna de la Escuela Politécnica d'Inxeniería de Xixón, tuvo un calter participativu nel que l'alumnáu tuvo ocasión de falar con Teresa Ribera de los sos proyectos. Iniciatives como Formula Stundent o Moto Student, consultes sobro les midíes de tresporte sostenible, la enerxía nuclear o'l futuru de les sociedaes sostenibles centraron un alderique nel que los alumnos y les alumnes participantes pudieron compartir opiniones cola vicepresidenta.