993 estudiantes van esaminar de la EBAU n'Asturies dende mañana miércoles y hasta el vienres na convocatoria de xunetu. Les pruebes van llevar a cabu n'Uviéu (Aulariu A del Campus d'El Milán, zona docente del HUCA, Aulariu 1 de la Facultá d'Economía y Empresa), Xixón (Edificiu Polivalente de la Escuela Politécnica d'Inxeniería de Gijon), Avilés (IES Nº5), Campus de Mieres, IES Avelina Cerra de Ribesella, IES Cangas y IES Marqués de Casariego/IES Carmen y Severu Ochoa na see L.luarca/Tapia de Casariego. Los alumnos van poder consultar les sos notes el día 18 de xunetu. 

 

La xeneración de los certificaos dixitales va poder llevase a cabu a partir de les 18:00 hores del 22 de xunetu y la solicitú de revisión d'exames podrá realizase los díes 19, 20 y 21 hasta les 14:00 hores. Como yá asocedió na convocatoria ordinaria, les pruebes van empezar a partir de les 15:30 hores col exame de Llingua Castellana y Lliteratura. Esa mesma tarde del miércoles, a partir de les 18:00 hores, van esaminar d'Hestoria. 

  

Los estudiantes de Bachilleratu tendrán d'esaminase de les 4 asignatures, que constitúin la fase d'accesu, cursaes en segundu de Bachilleratu, según la modalidá ya itinerariu realizáu. Cada exerciciu de la fase d'accesu va calificar de 0 a 10 puntos. La calificación d'esta fase va ser la media aritmética de les calificaciones llograes en caúna de les materies, espresada nuna escala de 0 a 10 puntos con trés cifres decimales y arrondada a la milésima. Esta calificación tendrá de ser igual o superior a 4 puntos para faer media cola calificación final del bachilleratu.

 

La nota de la EBAU va calcular en base a un 60% de la calificación final del Bachilleratu (NMB) y un 40% de la calificación de la fase d'accesu de la prueba (CFA). va entendese qu'un estudiante axunta los requisitos d'accesu cuando la resultancia d'esta fórmula sía igual o superior a 5 puntos. La nota máxima nesta fase ye de 10 puntos.

 

Aquellos estudiantes que quieran xubir nota para aportar a los sos estudios universitarios tendrán de presentase amás a la fase d'almisión. Va Consistir na evaluación de les materies d'opción del bloque d'asignatures troncales de segundu cursu de Bachilleratu. Les materies d'esta fase nun riquir ser cursaes nel Bachilleratu para ser evaluaes na prueba y los estudiantes podrán esaminase d'un máximu de 4 asignatures. La nota final una vegada realizaes dambes fases (accesu y almisión) va algamar un máximu de 14 puntos.