Dos investigadores de la Universidá d'Uviéu alzáronse colos premios del Colexu Oficial d'Inxenieros de Telecomunicación a les meyores tesis doctorales. Los galardonaos son Álvaro Fernández Vaqueru, que realizó'l so trabayu doctoral na universidá asturiana y José Daniel Martínez de Rioja del Nial, que la llevó a cabu na Politécnica de Madrid y anguaño trabaya na institución académica asturiana como investigador post-doctoral del Programa Margarita Salas.

 

Estos premios, denominaos Premios Inxenieros de Telecomunicación COIT-AEIT, tán destinaos a reconocer les meyores tesis doctorales, trabajo fin de máster y trayectories académiques. Son, en total, 13 categoríes qu'enceten los aspeutos más relevantes del ámbitu de les Telecomunicaciones, como'l 5G, les aplicaciones espaciales, los sistemes de comunicación vía satélite, la seguridá y defensa, la tecnoloxía y salú, y les nueves tecnoloxíes.

 

En concretu, Álvaro Fernández Vaqueru llogró'l Premiu Ericsson a la Meyor Tesis Doctoral n'Innovación 5G para la Conectividad Sostenible, pol so trabayu tituláu Desenvolvimientu de técniques d'analises y síntesis de arrays alimentaos espacialmente para aplicaciones emerxentes de campu cercano. En palabres más sencielles, esta tesis doctoral, según esplica'l so autor, investigó "cómo desenvolver técniques que dexen analizar y diseñar antenes para ameyorar la cobertoria 5G en frecuencies milimétriques". Fernández Vaqueru estudió'l grau y máster n'Inxeniería de Telecomunicación y anguaño ye postdoc na universidá asturiana. 

 

Pela so parte, José Daniel Martínez de Rioja del Nial alzóse col Premiu Hispasat a la Meyor Tesis Doctoral en Sistemes de Comunicación Vía Satélite, pol so estudiu denomináu Nueves configuraciones d'antenes reflectarray para xenerar cobertories multi-fai en banda Ka dende satélites geoestacionarios. "Estos satélites geoestacionarios precisen llevar a bordu cuatro antenes de grandes dimensiones y lo que proponemos na tesis ye amenorgales a dos antenes, emplegáu una tecnoloxía que dexa llograr les mesmes funcionalidades cola metá d'antenes", apunta'l so autor. 

 

Martínez de Rioja sorraya que se decantó por siguir la so formación na Universidá d'Uviéu porque mientres la realización del so trabayu doctoral collaboró con profesores de la institución asturiana y comprobó que "esiste un grupu d'investigación piqueru nesti tipu d'antenes y ye una bien bona oportunidá para avanzar na mio llínea d'estudiu", añede. 

 

Los galardones tán dotaos con 2.000 € brutos, un añu de colegiación y asociación gratis adicional (2023) y un diploma acreditativu, según la posibilidá de faer una visita a la empresa promotora del lema.