Perros adomaos van facilitar, gracies a el so olfatu, la detección d'enfermedaes como dellos tipos de tumores o la COVID-19. Este ye l'oxetivu de la unidá canina presentada la selmana pasada na Escuela Politécnica d'Inxeniería de Xixón. La presentación cuntó cola presencia, ente otres autoridaes académiques, del director de la EPI, Juan Carlos Campo, y de el profesores José Manuel Sierra, Rocío Fernández Rodríguez y José Luis Cortizo, que participen nel proyectu. 

 

La iniciativa, según espliquen estos docentes, surde d'una collaboración previa promovida pola Fundación pa la Investigación y l'Innovación Biosanitaria del Principáu d'Asturies (FINBA) ente la fundación Canvida y l'Escuela Politécnica d'Inxeniería de Xixón pal desenvolvimientu d'equipamientu necesariu pal entrenamientu de los perros na detección de distintos tipos de sarcoma. 

 

Nel desenvolvimientu d'esi proyectu, que cunta col sofitu de EDF Solidaria y el Conceyu de Xixón, empecipióse la pandemia de la COVID y el investigadores sopesaron la posibilidá de modificar l'oxetivu de la detección. "Si los perros pudieren discriminar los posibles positivos, el númberu de pruebes podría amenorgase significativamente col consiguiente beneficiu pal Sistema Nacional de Salú y un aforru non solo en costos, sinón tamién y perimportante de tiempos", sorrayen.

 

La Escuela Politécnica d'Inxeniería de Xixón habilitó un espaciu nos baxos del edificiu departamental oeste nº 5, onde se cunta con agua corriente y preseos de llimpieza, xuna nevera pa guardar les amueses, armarios pa recoyida de materiales, papel, guantes, pinces y gases utilizaos pa manipoliar les amueses. 

 

Esti nuevu espaciu dispon tamién de soportes fixos pa fases tempranes d'entrenamientu, y xuna rueda de detección, motorizada, controlada dende un smartphone o tablet, con capacidá pa seis amueses, que'l so xiru ta automatizado, y dexa avanzar más rápido nos entrenamientos de los canes una vegada estos superen les fases iniciales.