La música para cine del compositor José Nieto (Madrid, 1942) va sonar esti domingu, 22 de mayu, a les 20:00 hores na sala de cámara del Auditoriu Príncipe Felipe d'Uviéu. El conciertu, con entrada llibre, va ser interpretáu pola Orquesta de la Universidá d'Uviéu, cola dirección de Pedro Ordieres, y va cuntar cola voz de la mezzosoprano Marina Pardo y la presentación d'Alejandro González Villalibre, espertu na figura d'esti compositor, ganador de seis premios Goya.

 

El programa yá foi presentáu nel Auditoriu Ciudá de Llión dientro del II Cursu de Música Española'l pasáu 6 de mayu, onde se realizó un homenaxe al autor pol so 80 aniversariu. Para Nieto, la interpretación de la Orquesta de la Universidá d'Uviéu ta cargada d'enerxía y entusiasmu: "Pedro enría magistralmente la pasión pola música de esti chavales. Ye un ambiente de trabayu que me encantar, porque tienen un amor pol so trabayu que, lamentablemente, dacuando piérdese col pasu de los años". Amás, el compositor allaba la voz de Marina Pardo, que va intervenir nel conciertu interpretando fragmentos de les bandes sonores d'Amantes y El Caballeru Don Quixote: "Amás de tener unos graves impresionantes, Marina entendió les pieces de forma esquisita. Na so interpretación se aúna sensibilidá, técnica ya intelixencia".

 

Al pie de estes dos películes, el conciertu inclúi música d'El Caballero del Dragón, Celos, y Carmen, toes elles reelaboradas por el mesmu compositor para la so interpretación en conciertu. La dificultá, para Nieto, finca en que "nes mios partitures para cine les orquestaciones son de too menos convencionales. Para la so interpretación en conciertu riquíase una reorquestación, buscando plantiyes más tradicionales, anque siempres tratando que tou suene lo más paecío al orixinal". Entá asina, el compositor tuvo que reordenar los materiales: "Tratu d'escribir suites de conciertu, onde se resuman los elementos musicales más importantes de cada película, pero eso rique una reordenación en favor de la narratividad de la mesma obra, independiente de la imaxe. Busco siempres elementos contrastantes, momentos de tensión y distensión, y puntos de clímax a los que dirixir el discursu musical".

 

Pela so parte, Villalibre, presentador y conferenciante del conciertu, destaca de la música de Nieto'l so eclecticismu: "Vivimos n'una dómina na que la música de cine volvióse desaxeradamente homoxénea, arriésgase pocu y déxase inda menos llibertá a el autores. La figura de José Nieto ye esencial  a la d'entender que la creatividá, la variedá y l'innovación nun tán reñíes con un corsé como'l qu'impon l'audiovisual". 

 

L'eventu, según Villalibre, va ser más musical que teóricu: "muncha música y cátedra la xusta. Vamos esfrutar de la música d'una de les figures más importantes del cine español, y el mio papel ye namá de guía  a la d'entender meyor les intenciones del compositor y, espero, faer la velada más disfrutable".