L'estudiante del Grau de Física de la Universidá d'Uviéu Samuel García Díaz ganó la undécima edición Explorer Uviéu cola so propuesta "IA monolayers": un proyectu qu'aplica la intelixencia artificial a la nanotecnología para optimizar los procesos de producción y menguar los costos.

 

García Díaz foi unu de los ocho nuevos participantes nel programa "Explorer, nuevos con soluciones" promovido pol Banco Santander al traviés de Santander Universidaes, el Centru Internacional Santander Emprendimiento (CISE), la Universidá d'Uviéu y el Conceyu d'Uviéu, al traviés d'Uviéu Entama. Nesta edición, y a lo llargo de cuatro meses, los participantes recibieron asesoramientu individualizáu y formación para ameyorar les sos habilidaes entamadores como'l lideralgu; trabayu n'equipu, capacidá de vienta y habilidaes de comunicación. 

 

De los cinco proyectos presentaos, el xuráu escoyó la propuesta d'esti mozu como la meyor, una idea que materializó en dándose cuenta "de que nes sos práctiques invertía enforma tiempu n'una xera que podía realizar una máquina, mientres yo podía siguir investigando". Gracies a esti proyectu, Samuel García ganó un viaxe a Porto, pa participar nel campus de emprendimiento que va ufiertar en xunetu la European Innovation Academy.

 

El fallu del xuráu diose a conocer nun actu celebráu nel Conceyu d'Uviéu que cuntó cola presencia de Begoña Cueto, vicerrectora de Tresferencia y Relaciones cola Empresa de la Universidá d'Uviéu; Ana Suárez Vázquez, directora d'Empleabilidá y Emprendimiento de la Universidá d'Uviéu;  Javier Cuesta, conceyal d'Economía del Conceyu d'Uviéu; y los miembros del xuráu, formáu por Guillermo Díaz Bermeyu, presidente del SECOT Asturies; Juan Manuel Ballesteros Bustos, director Comercial Universal del Banco Santander, y Paula Palazón, entamadora especializada en Retail y miembru de la comunidá Uviéu Entama.