Los representantes asturianos coronáronse coles medayes de plata y de bronce na 35 Olimpiada Nacional de Química que se desenvolvió la pasada fin de selmana en Santiago de Compostela. L'Asociación de Químicos de Principáu d'Asturies, la Sección Territorial d'Asturies de la RSEQ, el Colexu Oficial de Químicos d'Asturies y Llión y la Facultá de Química de la Universidá d'Uviéu, cola collaboración de la Conseyería d'Educación del Principáu d'Asturies y otres entidaes, acompañaron a los trés alumnos ganadores de la fase local d'Asturies a la Olimpiada Nacional de Química. 

 

Asturies tuvo representada por Lucía Aparicio García (IES Aramo d'Uviéu), Miguel Canga Fidalgo (Colexu Santa María del Naranco d'Uviéu) y Aylén Álvarez González de L.lena (IES Aramo d'Uviéu). La prueba consistió nel resolvimientu de trés problemes con diversos apartaos y 48 cuestiones d'opción múltiple. El domingu, 8 de mayu, celebróse la entrega de premios y diplomes. Los representantes asturianos tuvieron una brillosa participación rematada con una medaya de plata llograda por Lucía Aparicio García y una medaya de bronce llograda por Miguel Canga Fidalgo.

 

Los representantes asturianos tuvieron acompañaos pol presidente de l'Asociación de Químicos del Principáu d'Asturies (Miguel Ferrero Fuertes), la decana de la Facultá de Química de la Universidá d'Uviéu (Susana Fernández González) y el coordinador de la Olimpiada Química Asturiana (José Manuel Fernández Llombes).