Les universidaes han de ser espacios para la reflexón y la paz, por eso, la Universidá d'Uviéu nun puede quedar al marxe de conflictos bélicos como la invasión rusa a Ucrania. "Como comunidá de persones comprometíes cola paz ye necesariu que faigamos xestos y actuemos para contribuyir col nuesu enfotu a detener l'agresión al pueblu ucranianu, denunciar ensin mieu les otomíes d'una guerra ensin sentíu (si dalguna tener) y a ufiertar la nuesa ayuda a quien la precise nel dolor y l'escuridá d'estos tráxicos momentos", esplica'l rector, Ignacio Villaverde.

 

Por ello, y acordies con el Gobiernu del Principáu d'Asturies, convócase para'l próximu llunes, 7 de marzu, una concentración en repulsa de la invasión rusa a Ucrania y en favor de la paz. Va Ser a les 19 hores nel patiu del Edifcio Históricu. 

 

"Ellí vamos tratar d'allumar el deséu de paz con una vela y unes flores simbóliques, y anímovos non solo a xunivos al actu, sinón tamién a sumar los vuesos deseos de paz con veles, flores y mensaxes por que torne la cordura. Nada ta perdíu entá, y tenemos de contribuyir colo que tea nes nueses manos a que se detenga la traxedia", concluyó'l rector Villaverde.

 

 

Recoyida d'alimentos y material sanitario para Ucrania

 

Per otru llau, la Universidá d'Uviéu, en collaboración cola organización Ayuda Humanitaria para Ucrania dende Asturies, punxo en marcha una campaña solidaria de recoyida d'alimentos, productos non perecederos y material sanitario coles mires de desaniciar los efectos de la guerra nel país européu. 

 

La campaña va desenvolver ente'l 2 y el 10 de marzu, dambos inclusive, en distintos centros de los campus universitarios d'Uviéu, Xixón y Mieres. Con esti propósitu, habilitáronse puntos de recoyida en toles facultaes y escueles d'Uviéu, Xixón y Mieres, y nos edificios Científicu Tecnolóxicu y d'Investigación, en Mieres. Tamién hai dellos puntos habilitaos nos edificios de servicios centrales de la universidá pa facilitar la collaboración del personal d'alministración y servicios. Puedes atopar más información sobro esta campaña nesti enllaz.