Les trés universidaes gallegues -A Coruña, Vigo y Santiago de Compostela-, la Universidá d'Uviéu y l'Universidá de Llión participaron nel I Foru de Emprendimiento del Noroeste, entamáu por Unirisco, la sociedá de capital riesgu que financia empreses aniciaes na universidá, y l'Asociación para'l Progresu de la Dirección (APD), en collaboración con Banco Sabadell, la Xunta de Galicia, al traviés de la Axencia Galega d'Innovación (GAIN) y la Universidade de Santiago de Compostela. Nel foru, según esplicó Ignacio Villaverde, rector de la Universidá d'Uviéu, manifestóse la posibilidá de que "les cinco instituciones plantegen una estratexa común de emprendimiento universitariu n'estrecha collaboración col sector priváu".  

 

El rector, qu'allegó al foru acompañáu de la vicerrectora de Tresferencia y Relaciones cola Empresa, Begoña Cueto, esplicó que el rectores de les cinco universidaes presentes punxeron de mancomún la posibilidá de crear una alianza de cooperación ente les cinco instituciones académiques pa dir afondando y maureciendo esa gran idea de la ‘macrorregión' del noroeste español. "Precisamente, la tresferencia y el emprendimiento pueden constituyir un puntu de partida escelente pa empecipiar esta andadura común", dixo'l rector.

 

Villaverde participó na primer mesa redonda del foru, titulada Presente y futuru de la relación Universidá-empresa. Moderada por Antonio Abril, presidente de la Conferencia de Conseyos Sociales de les Universidaes d'España; cuntó cola presencia d'Antonio López, Julio Y. Abalde, Manuel Joaquín Reigosa y Juan Francisco García, rectores de la Universidade de Santiago de Compostela, Universidaes da Coruña, Universidade de Vigo y Universidá de Llión, respectivamente, que xunto col rector de la Universidá d'Uviéu, repasaron la situación actual de l'alianza ente les universidaes y el texíu empresarial y analizao los retos a los que s'enfrenten les instituciones académiques nesti campu. 

 

L'I Foru de Emprendimiento del Noroeste axunta a más de 60 espertos, ente representantes d'universidaes y empresa, y nél analiza la importancia de la collaboración pa convertise n'axentes del cambéu y l'innovación. L'apertura del foru corrió  al cargu d'Ana Sánchez, directora de la zona noroeste de APD, Inmaculada Rodríguez, directora de UNIRISCO y Pablo Junceda, director xeneral axuntu de BANCO SABADELL. Nel foru intervienen tamién el director xeneral del IGAPE, Fernando Guldrís y la directora xeneral del IDEPA, Eva Pando. Tocantes a les empreses, participen representantes d'organizaciones como Grupu Nueva Pescanova, Navantia, Kaleido Idees & Logistics y Quescrem, ente otres.