El nuevu simposio de l'alianza INGENIUM, una iniciativa de formación dixital colaborativa europea, va tener llugar esti 25 de payares
INGENIUM ye una alianza d'ocho universidaes ente les que s'atopa la Universidá d'Uviéu y que cunta col sofitu del programa European University Networks (EUN) – national initiative
El nuevu simposio de l'alianza INGENIUM, una iniciativa de formación dixital colaborativa europea, va tener llugar esti 25 de payares, a partir de les 13:00 hores.
Esti alcuentru ufierta una oportunidá única para aprender sobro cómo:
- Poner el to proyectu favoritu en primer planu desenvolviendo formatos dixitales innovadores y d'alta calidá col sofitu de los nuesos espertos.
- Ameyorar les tos mañes dixitales cola nuesa ayuda – un factor clave nuna redolada cada vez más digitalizado.
- Trabayar con equipos internacionales en países distintos, ameyorando les tos mañes interculturales (y aprovechando el financiamientu de la UE pa les aliances d'universidaes).
- Construyir una reputación internacional pa ti y pa la to institución, impartiendo clases a estudiantes de les instituciones socies.
- Amontar el númberu d'estudiantes de la to institución y cualificar pa una meyor financiamientu de la UE o del to gobiernu nacional.
- Fortalecer la idea d'Europa por aciu la intensificación de la collaboración internacional n'investigación, docencia y – a la fin, n'innovación.
L'axenda completa del simposio ta disponible equí.
Pa rexistrase, ye necesariu siguir esti enllaz y rellenar el formulariu. De siguío, va recibise una respuesta automática con información adicional.
P'asistir, encamiéntase la plataforma B2Match. B2Match ye una gran ferramienta pa realizar toles actividaes en rede – non solo n'el mesmu alcuentru, sinón tamién antes y dempués. La plataforma dexa penerar los participantes por temes, intereses, países y potenciales árees de cooperación. N'unos pocos clicks puedes atopar el collaborador ideal o ser atopáu. Tamién ye posible tener sesiones de chats y Alcuentros virtuales 1:1.
Información sobro la Iniciativa d'Universidaes Europees
La Iniciativa d'Universidaes Europees foi empecipiada pol Conseyu d'Europa col enfotu de crear una rede internacional d'instituciones educatives que dexe a los sos estudiantes completar les sos titulaciones ente dellos países. L'oxetivu ye ameyorar la competitividá de la educación cimera europea y crear una xeneración de mozos europeos que compartan valores ya identidá.
INGENIUM ye una alianza d'ocho universidaes ente les que s'atopa la Universidá d'Uviéu y que cunta col sofitu del programa "European University Networks (EUN) – national initiative" del Serviciu d'Intercambiu Académicu Alemán (DAAD) con fondos del Ministeriu Federal Alemán d'Educación ya Investigación (BMBF) y de la Rexón de Normandía de Francia (RIN Actions Sup' financial framework).
Galería d'imaxes
Links
