Les Xornaes d'Orientación Universitaria y de Puertes Abiertes de la Universidá d'Uviéu van desenvolvese anguaño de forma virtual por cuenta de la situación d'alerta sanitario provocada pola COVID-19. El Vicerrectorado d'Estudiantes, xuntu cola Dirección d'Área de Movilidá Universitaria, la Delegación del Rector para'l Tresformamientu Dixital, el Serviciu d'Informática y Comunicaciones y el Serviciu de Medios Audiovisuales, programó estes xornaes para la selmana del 17 al 21 de mayu n'horariu vespertín de 15:30 a 19:30 hores.  L'oxetivu d'esta iniciativa ye informar a los alumnos que deseyen cursar estudios na Universidá d'Uviéu de la estensa ufierta académica de la institución asturiana d'enseñanza cimera.

Les persones comenenciudes –estudiantáu, padres y profesoráu—van poder aportar a les distintes presentaciones al traviés de la páxina web habilitada pola Universidá https://puertasabiertas.uniovi.es y realizar les sos entrugues por aciu un chat de la plataforma Microsoft Teams. Aquelles persones que la precisen van poder amás habilitar el siguimientu de les presentaciones con subtítulos n'español ya inglés.

Les xornaes van ser inauguraes el llunes, 17 de mayu, a les 15:30 hores, pol rector de la Universidá d'Uviéu, Ignacio Villaverde, el vicerrector d'Estudiantes, Alfonso López Muñiz, y la conseyera d'Educación del Principáu d'Asturies, Carmen Suárez. Tres la sesión inaugural, los estudiantes van poder conocer de primera esquito la Universidá d'Uviéu. Amás, cada Facultá y/o escuela va disponer d'un día y hora para realizar una emisión en directu al traviés de Teams.

L'axenda para los distintos estudios puede atopase na web https://puertasabiertas.uniovi.es y respuende al siguiente calendariu:

Llunes 17 de mayu

•           15:30-15:45 Inauguración de les Xornaes.

•           15:45-16:30 Presentación de la Universidá para nuevos estudiantes.

•           16:30-18:00 Presentación de la Facultá de Filosofía y Lletres.

•           18:00-19:30 Presentación de la Escuela Politécnica d'Inxeniería de Xixón.

Martes 18 de mayu

•           15:30-16:30 Presentación de la Facultá de Derechu.

•           16:30-17:30 Presentación de la Facultá d'Economía y Empresa.

•           17:30-18:30 Presentación de la Facultá de Comerciu, Turismu y Ciencies Sociales Xovellanos.

•           18:30-19:30 Presentación de la Facultá de Formación del Profesoráu y Educación.

Miércoles 19 de mayu

•           15:30-16:30 Presentación de la Facultá Padre Ossó (Centru Adscritu).

•           16:30-17:30 Presentación de la Facultá de Medicina y Ciencies de la Salú.

•           17:30-18:30 Presentación de la Facultá de Psicoloxía.

•           18:30-19:30 Presentación de la Facultá d'Enfermería de Xixón (Centru Adscritu).

Xueves 20 de mayu

•           15:30-16:30 Presentación de la Escuela de la Marina Civil.

•           16:30-17:30 Presentación de la Escuela Politécnica de Mieres.

•           17:30-18:30 Presentación de la Escuela d'Inxeniería de Mines, Enerxía y Materiales d'Uviéu.

•           18:30-19:30 Presentación de la Escuela d'Inxeniería Informática.

Vienres 21 de mayu

•           15-30-16:30 Presentación de la Facultá de Química.

•           16:30-17:30 Presentación de la Facultá de Ciencies.

•           17:30-18:30 Presentación de la Facultá de Bioloxía.

•           18:30-19:30 Presentación de la Facultá de Xeoloxía.