Publicada la Guía d'usuariu o usuaria relativa al sistema de votación electrónica nes Elecciones rectorales, que van tener llugar el vienres, 12 de febreru. Mientres el 11 de febreru, les y el electores van recibir nes sos cuentes de corréu corporativu un mensaxe del sistema que va incluyir el códigu d'usuariu y los pasos a siguir pal llogru del PIN nel so teléfonu móvil, según un enllaz p'aportar al portal de votu. La votación va poder realizase ente les 10:00 y les 19:00 hores del vienres 12 de febreru. Na web de les elecciones al Rectoráu atópense tamién publicaes xuna guía d'usuariu más estensa, un documentu d'entrugues frecuentes sobro'l procesu pa la emisión del votu y demás documentación esplicativa del sistema de votación.

 

Calendariu electoral

 

28 de xineru al 10 de febreru: campaña electoral.

11 de febreru: xornada de reflexón.

12 de febreru: votación.

15 de febreru: proclamación provisional de la candidatura electa.

16 y 17 de febreru: reclamaciones frente a la proclamación provisional de la candidatura electa.

18 de febreru: resolvimientu de reclamaciones frente a la proclamación provisional de la candidatura electa, proclamación definitiva de Rector y publicación.