El rector de la Universidá d'Uviéu, Santiago García Granda, y el presidente de l'Asociación Atlética Avilesina, Gerardo González Fuertes roblaron un conveniu de collaboración que va beneficiar a les y los atletes de l'asociación que cursen estudios cimeros na institución académica asturiana. Na firma tamién tuvieron presentes la vicepresidenta del club, Onelia Gonzalez Álvarez; el director deportivu de la Área d'Atletismu de l'Atlética Avilesina, Carlos Alonso; el director del Serviciu de Deportes de la Universidá d'Uviéu, Pedro Gorría Korres y técnicu el César Sánchez Tessier.

 

Gracies a esti alcuerdu, que tien una vixencia inicial d'un añu, les y los deportistes de l'Asociación Atlética Avilesina van poder allegar en competiciones de calter nacional nes que nun tea representada la entidá avilesina. Esti alcuerdu va ser efectivu para les categoríes sub 16, sub 18, sub 20 y sub 23, tantu en masculín como en femenín.

Coles mesmes, la Universidá va facilitar les sesiones d'entrenamientu y l'accesu a les sos instalaciones deportives a les y los miembros de la sección d'atletismu de l'Asociación Atlética Avilesina matriculaos na institución académica asturiana, contribuyendo a la conciliación de les actividaes docente y deportivu de les y los atletes d'esa entidá nos distintos campus.

 

El conveniu impulsa tamién la organización, en collaboración cola Área de Deportes de la Universidá d'Uviéu, de xornaes deportivu-culturales de convivencia  al envís d'estrechar llazos y de instrumentar la divulgación y la conocencia de programes diseñaos na redolada de la comunidá universitaria para la práctica deportiva.