La Universidá d'Uviéu recibió la primer unviada de mázcaros comunicativos o "con ventana", nel marcu de la iniciativa impulsada pola Fundación Universia y la Federación d'Asociaciones d'Enllantaos Cocleares d'España (AICE), y empecipió yá la repartida de les mesmes a distintes facultaes y escueles. Estos mázcaros dexen a les persones con déficit auditivu realizar la llectura llabial, polo que se considera una ferramienta que favorez la inclusión y asegura la igualdá d'oportunidaes del estudiantáu. Coincidiendo cola selmana en que se celebra'l Día Internacional de les Persones con Discapacidá, los mázcaros tán faciéndose llegar a aquellos centros nos cualos estudien persones con déficit auditivu que se sofiten en dicha llectura, con cuenta de tean disponibles en cuanto la situación dexe retomar les clases presenciales o, nel so defectu, de cara a los exames finales del primer semestre.

 

El contestu inéditu de la pandemia punxo de manifiestu una fienda na comunicación, que ta condicionando una educación universitaria inclusiva y calidable para la comunidá sorda y con discapacidá auditiva. Por ello, la Fundación Universia, que cunta col sofitu de Banco Santander para'l desenvolvimientu de les sos actividaes, y la Federación AICE, tán partiendo 6.500 mázcaros con ventana nes universidaes de too el país, dientro de la campaña universidadconsentido.