El rector de la Universidá d'Uviéu, Santiago García Granda, y el presidente del Real Grupo de Cultura Covdonga, Antonio Corripio Álvarez, roblaron esta mañana la prórroga per un añu más del conveniu de collaboración que dambes instituciones soscribieron l'añu pasáu, en virtú del que les y los atletes acomuñaos al Grupu y matriculaos na institución académica asturiana van poder participar en competiciones nacionales nes que nun tea representada la entidá xixonesa. 

 

Na firma, que tuvo llugar nel despachu rectoral del Edificiu Históricu, tuvo presente'l director d'Área de Deportes de la Universidá, Pedro Gorría Korres; y, pol Grupo Covadonga, Alejandro Rionda, la profesora Asunción Cámara, el responsable de la sección d'Atletismu, José Arconada Ramos; y el director deportivu, José Ignacio Aybar González.

 

L'alcuerdu facilita, coles mesmes, l'accesu a les instalaciones deportives de la Universidá d'Uviéu pa les sesiones d'entrenamientu a los deportistes de la sección d'atletismu del Real Grupo de Cultura Covadonga que s'atopen realizando estudios universitarios. 

 

Mientres l'añu que tuvo a valir, y pese al impactu de la crisis sanitaria aniciada pola COVID-19 nel mundu de la competición deportiva, son numberosos los atletes que pudieron beneficiase d'esti alcuerdu.