L'autora, Natalia Rodríguez Muñiz, ufierta una propuesta innovadora basada nel diálogu. El gallardón, concedíu pola Facultá de Formación del Profesoráu y Educación y la Conseyería d'Educación del Principáu, reconoz tamién con un accésit a José Ramón Hevia Roces
El segundu Premiu Mario de Miguel al meyor TFM sobre Educación recayó en Natalia Rodríguez Muñiz, pol so trabayu "Embaxadores de los bonos tratos. Propuesta d'anovación para'l resolvimientu dialógica de los conflictos dende'l desendolque emocional col alumnáu del tercer cursu d'Educación Secundaria Obligatoria".
De la mesma, los miembros de la Comisión de valoración decidieron otorgar, por unanimidá de los sos componentes, un accésit a José Ramón Hevia Roces, por "La resiliencia como factor d'ésitu educativu na comunidá xitana de Xixón: un estudiu de casos".
El gallardón, que lleva'l nome de Mario de Miguel, caderalgu xubiláu y ex decanu de l'antigua Facultá de Ciencies de la Educación, ye una iniciativa conxunta de la Universidá d'Uviéu y de la Conseyería d'Educación del Principáu d'Asturies. Ta dotáu de 1.000 euros, amás de la espublización del trabayu premiáu.
