La Universidá d'Uviéu espublizó'l resolvimientu pol que se conceden los premios de la VII edición del Concursu de Fotografía col Móvil. El primer gallardón recayó n'Enol Álvarez González, pola fotografía "Aires de libertad"; el segundu, en Sandra Freitas Rodríguez, por "Friendly reminder"; y el terceru en Rodrigo Pardo Fernández, pola semeya "Cuando el tiempo se detuvó". Los premios xuben, tán dotaos con 600, 400 y 200 euros. 

 L'oxetivu d'esti concursu, abiertu a tola comunidá universitaria, ye potenciar l'usu de les nueves tecnoloxíes, desenvolver la creatividá nel campu de la imaxe y aguiyar la capacidá d'observación de la redolada. 

 

El xuráu tuvo compuestu pol vicerrector d'Estensión Universitaria y Proyección Internacional, Francisco José Borge, como presidente; María Álvarez, directora d'Área d'Estensión Universitaria; Ana Quijada, técnicu de Bienes Culturales de la Universidá d'Uviéu; Sara Vázquez-Canónicu, técnicu d'Esposiciones de la institución; y Santiago Barandica, fotógrafu.