El rector de la Universidá d'Uviéu, Santiago García Granda, intervieno na Presentación de propuestes para la Universidá 2030, un actu de Crue Universidaes Españoles nel que participaron el ministru d'Universidaes, Manuel Castells, y el presidente de Crue, José Carlos Gómez Villamandos, ente otres autoridaes.

 

Santiago García Granda afirmó que "per primer vegada, les universidaes apaecemos nuna Axenda Global, y nun tenemos d'esbardiar esi lideralgu pa convertinos en llaboratoriu d'idees y bones práctiques". Pa García Granda, "solu si alliniamos la nuesa docencia, investigación, tresferencia y gobernanza coles estratexes del desenvolvimientu sostenible y l'Axenda 2030 vamos poder liderar el cambéu escontra un sistema de producción sostenible y crear un valor pa la xeneración del futuru".