La revista Analytical and Bioanalytical Chemistry llanzó una colección especial que destaca'l llabor de muyeres señalaes como modelos a siguir nel campu de la Química Analítica. El Comité asesor de la publicación convidó a un númberu de muyeres con una trayectoria destacada a unviar trabayos que fueron revisaos y escoyíos polos editores de dicha publicación. Dos investigadores del Departamentu de Química Física y Analítica de la Universidá d'Uviéu y del Institutu d'Investigación Sanitaria del Principáu d'Asturies (ISPA), Noemí de los Santos Álvarez y María Montes Bayón, formen parte de la selección definitiva.

 

Noemí de los Santos y Robeca Miranda, del grupu d'Electroanálisis del ISPA, roblen un trabayu nel que describen la estratexa de ludificación utilizada nes sos clases de Química analítica na Universidá: l'estudiantáu ye convidao a participar nun concursu inspiráu nun programa televisivu, lo que fomenta un deprendizaxe activu y unu sana competitividá nes clases.

 

Pela so parte l'artículu de María Montes, Daniel Turiel, Elisa Blanco, Mario Corte y Joerg Bettmer (grupu d'Espectrometría de mases y analises biomédicu) evalúa l'usu de ferritina como "caballu de Troya" capaz d'introducir el fármacu quimioterápico cisplatino nanoestructurao nes célules tumorales.