La Universidá d'Uviéu y l'Asociación de Padres d'Alumnos d'Altes Capacidaes d'Asturies (APADAC) roblaron esta mañana un alcuerdu pa una acción específica de desenvolvimientu del so conveniu marco de collaboración sobro altes capacidaes intelectuales ya inclusión universitaria. Ente los oxetivos de dicha acción, que foi roblada pol rector, Santiago García Granda, y la presidenta de la APADAC, Irela García Martínez, atópase l'acercamientu del estudiantáu d'alta capacidá intelectual y les sos families a la Universidá d'Uviéu, por que puedan tener una visión más cercana de la mesma. Tamién se contempla la formación específica sobro estudiantáu d'alta capacidá intelectual del personal de la Universidá qu'asina lo deseye; facilitar un acercamientu ente la institución académica y asociación n'ares a futures collaboraciones; y ufiertar atención específica al estudiantáu d'altes capacidaes.

 

Pa ello, van establecese sedes APADAC en determinaos campus universitarios, van articulase talleres específicos pa estudiantes d'alta capacidá na Universidá para peques/Universidá pa guah.es/Children's University, y va apurrise formación en relación a alumnáu con alta capacidá intelectual al personal de la Universidá d'Uviéu comenenciudu. Coles mesmes, van llevar a cabo actividad nos campus con calter mensual, y eventos puntuales como conferencies o xornaes.