Noticias

  • La investigadora Leticia González Blanco recibe la distinción de la Sociedá Española de Psiquiatría Biolóxica

    21 de Payares 2017

    La psiquiatra xixonesa, que realiza la so tesis doctoral so la dirección del catedráticu Julio Bobes y la caderalga Paz García-Portiella, llogró'l galardón por un trabayu sobro la esquizofrenia

    Leticia González Blanco recibe el galardón en el Congreso Nacional de Psiquiatría Biológica.
    La Sociedá Española de Psiquiatría Biolóxica concedió un premiu a la Excelencia Investigadora, na categoría d'Investigador Emerxente, a Leticia González Blanco, psiquiatra xixonesa que desenvuelve una actividá asistencial na Área Sanitaria IV del Serviciu de Salú del Principáu d'Asturies (SESPA), y collabora en Proyectos d'Investigación de la Área de Psiquiatría de la Universidá d'Uviéu, onde anguaño s'atopa realizando la so tesis doctoral so la dirección del catedráticu Julio Bobes y la caderalga Paz García-Portiella.
     
    El motivu del galardón, que recibió nel intre del Congresu Nacional de Psiquiatría celebráu'l vienres en Barcelona, foi l'artículu "Prolactin concentrations in antipsychotic-naïve patients with schizophrenia and related disorders: A meta-analysis", publicáu'l pasáu añu n'una revista internacional d'impactu, "Schizophrenia Research". Esti trabayu pon de manifiestu una afectación a nivel sistémico, y non puramente cerebral, d'una enfermedá tan discapacitante como ye la esquizofrenia, qu'afecta aprosimao al 1% de la población.
     
    La recepción d'esti premiu reconoz el trabayu colaborativo del equipu d'investigador de la Área de Psiquiatría de la Universidá d'Uviéu, lideráu pol profesor Julio Bobes, equipu que yá foi reconocíu con otros premios y reconocencies, y que participa viviegamente en múltiples proyectos multicéntricos constituyendo'l Grupu 05, del Centru d'Investigación Biomédica en Rede de Salú Mental (CIBERSAM), financiáu pol Institutu de Salú Carlos III.
     

Buscar