Noticias

  • Investigadores llogren detectar especies invasores en puertos y estuarios por aciu l'ADN topáu nun llitru d'agua de mar

    25 de Setiembre 2017

    Esta rápida técnica de muestreo foi desenvuelta pola Universidá d'Uviéu y l'Observatoriu Marín d'Asturies (OMA), al traviés del grupu d'investigación ARENA

    Yaisel Borrell, en el centro de la imagen, junto al resto de investigadores que han participado en el estudio.
    La Universidá d'Uviéu y l'Observatoriu Marín d'Asturies (OMA), al traviés del grupu d'investigación ARENA, llograron utilizar ADN ambiental, llográu a cencielles de botelles d'agua de mar, para detectar especies invasores. Los dos estudios realizaos, que vieron la lluz nes revistes científiques PLOS One y Journal for Nature Conservation, lleváronse a cabu n'ocho puertos asturianos y en dos estuarios, respectivamente. Los puertos fueron los de Figueres, L.luarca, Cuideiru, Áviles, Xixón, Villaviciosa, Ribesella y L.luarca, y los estuarios los de Villaviciosa y del Eo. 
     
    L'establecimientu de "monitoreos" para detectar especies exótiques resulta de gran relevancia por motivos de bioseguridad y para la protección de la biodiversidá marina de les invasiones biolóxiques. Anque yá esisten diverses metodoloxíes para inventariar los organismos marinos, estes básense principalmente en muestreos estensivos y aballadores, incluyendo la necesidá d'identificaciones morfolóxiques per parte d'espertos. D'ende la importancia del senciellu protocolu desenvueltu pola Universidá d'Uviéu.
     
    Nesti estudiu emplegóse una metodoloxía de muestreo d'ADN ambiental desaxeradamente simplificada, con trés botelles d'un llitru d'agua per puertu o estuariu, siguíes de la secuenciación masiva ya identificación d'especies basada n'ADN, lo que se conoz como ‘metabarcoding', usando los xenes del 18S ribosomal y de la Citocromo Oxidasa Subunidad I como códigos de barres, yá que son lo suficientemente característicos como por que dexen identificar a les especies cola so secuencia.    
     
    Con esti esfuerzu mínimu de muestreo, identificáronse trés invertebraos invasores: el balano Austrominius modestus en Áviles, según el vierme tubícola Ficopomatus enigmaticus y el poliqueto Polydora triglanda en Llanes. De la mesma forma, nos dos estuarios detectóse otru invasor, la llámpara zapatiella Crepidula fornicata.
     
    Estes especies fueren atopaes nos mesmos sitios en muestreos previos con técniques clásiques, como la identificación visual y taxonómico y la confirmación al traviés de la identificación xenética d'individuos, lo que confirma la eficacia del nuevu protocolu, qu'amás tien un costu inferior. Por ello, el investigadores conclúin qu'el ‘metabarcoding' ye realmente una opción para les alertes tempranes en bioseguridad.
     
    Los dos artículos que recueyen les conclusiones del estudiu tán roblaos por Yaisel J. Borrell del Observatoriu Marín d'Asturies (OMA) como primer autor, por otros investigadores de la Universidá y l'Observatoriu, lo mesmo que de centros d'investigación d'otros países. La investigación desenvolvióse nel marcu de los Proyectos Nacionales de la Universidá d'Uviéu ALERTOOLS y BLUEPORTS, lideraos pola catedrática de Genética Eva García Vázquez y que cunten col sofitu del Principáu d'Asturies al traviés del Centru d'Esperimentación de Pesquera, l'Autoridá Portuaria de Xixón y la Fundación Municipal de Cultura, Educación y Universidá Popular del Conceyu de Xixón.
     
    Datos de los artículos
     
    PLOS One. Sept 2017. "DNA in a bottle—Rapid metabarcoding survey for early alerts of invasive species in ports". Yaisel J. Borrell, Laura Miralles, Hoang Do Huu, Khaled Mohammed-Geba, Eva Garcia-Vazquez
     
    JNC. Sept 2017. "Metabarcoding and post-sampling strategies to discover non-indigenous species: A case study in the estuaries of the central south Bay of Biscay". Yaisel J. Borrell, Laura Miralles, Adrián Mártinez-Marqués, Alexia Semeraro, Andrés Arias, Carlos Y. Carleos, Eva García-Vázquez.
     
    https://doi.org/10.1371/journal.pon.0183347
     
    https://doi.org/10.1016/j.jnc.2017.07.002
     

Buscar