Noticias

  • El profesoráu universitariu d'Hestoria fai balance de la enseñanza virtual énte l'impactu del coronavirus

    10 de Xunetu 2020

    La clausura de les Xornaes sobre esperiencies docentes virtuales y en llinia, coordinaes por Fernando Manzano, tuvo a cargu del director del Departamentu d'Hestoria, Miguel Calleja, y de la directora d'Área d'Innovación Docente, Aquilina Fueyo

    El profesoráu del Departamentu d'Hestoria de la Universidá d'Uviéu celebró les "Xornaes sobre esperiencies docentes virtuales y en llinia: La enseñanza de la Hestoria énte l'impactu del coronavirus", col envís de poner de mancomún el trabayu fechu mientres l'atípicu segundu cuatrimestre d'esti cursu académicu.

    El primer bloque del programa, "Esperiencies", cuntó coles intervenciones del profesoráu que desenvolvió les sos xeres docentes nos meses de la crisis, qu'esplicó la metodoloxía emplegada, el desenvolvimientu de la so actividá docente non presencial, les ferramientes dixitales utilizaes y les resultancies observaos. Pela so parte, el segundu bloque, "Adaptaciones, propuestes y ferramientes", empobinóse mesmo a la esposición de les adaptaciones feches como a la descripción de les ferramientes dixitales utilizaes satisfactoriamente nes distintes actividaes docentes.

    Les xornaes, coordinaes por Fernando Manzano Ledesma, cuntaron cola participación de 46 profesores del Departamentu d'Hestoria, d'otros Departamentos (Filoloxía Clásica y Románica, Filosofía), de la Escuela de Comerciu, Turismu y Ciencies Sociales "Xovellanos", lo mesmo que de doctorandos y doctorandes. El pieslle del programa tuvo a cargu del director del Departamentu, Miguel Calleja Puerta, y de la directora d'Área d'Innovación Docente, Aquilina Fueyo Gutiérrez, que foi amás la encargada de pronunciar la ponencia estraordinaria, titulada "La docencia en contestos híbridos: más allá del solucionismu tecnolóxicu".


Buscar