Los resultáos de les elecciones puen consultase nel siguiente enllaz: https://eleccionesclaustro.uniovi.es/resultaos
La Universidá d'Uviéu escueye güei a los miembros que van componer el nuevu Claustru de la institución académica asturiana. Los resultáos de les elecciones puen consultase nel siguiente enllaz: https://eleccionesclaustro.uniovi.es/resultados
Les meses electorales permanecieron abiertes dende les 10:00 hasta les 19:00 hores pa que los distintos miembros de la comunidá universitaria exercieren el so derechu al votu. Los datos de participación provisionales por colectivu foron bien distintos. La más alta rexistróse ente el profesores doctores con vinculación permanente (85,44%) y la más baxa ente los estudiantes de doctoráu o tercer ciclu (0,86%). La participación total foi de 10,82%.
Munchos centros y departamentos nun tuvieron necesidá de votar por presentar menos o igual númberu de candidatos que claustrales correspondíen-yos (consúltese equí'l llistáu).
El Claustru ye'l máximu órganu de representación de la comunidá universitaria (artículu 47.1 de los Estatutos de la Universidá d'Uviéu). Ta formáu pol rector, la secretaria xeneral, el xerente y trescientos miembros escoyíos d'ente los distintos sectores de la comunidá universitaria. Les elecciones al claustru convoquen cada cuatro años y la so xunta ordinaria en plenu celébrase, siquier, una vegada al añu.
Correspuende al Claustru la reforma total o parcial de los estatutos de la Universidá, conocer les sos llínees xenerales d'actuación, proponer iniciatives al Conseyu de Gobiernu, aldericar l'informe añal sobro la institución presentáu pol rector, escoyer al defensor universitariu y convocar elecciones estraordinaries a rector, ente otres competencies.
Por colectivu, el claustru ta compuestu por 165 representantes del sector A, profesores doctores con vinculación permanente; 30 representantes del sector B, integráu pol restu del personal docente ya investigador (12 representantes del colectivu B1, profesores con vinculación permanente funcionarios non doctores; 13 representantes del colectivu B2, personal docente ya investigador ensin vinculación permanente a tiempu completu; y 5 representantes del colectivu B3, personal docente ya investigador ensin vinculación permanente a tiempu parcial); 75 representantes del Sector C, integráu por estudiantes (72 estudiantes de grau o master o de primeru y segundu ciclu, y 3 representantes d'estudiantes de doctoráu y tercer ciclu); y, finalmente, 30 representantes del sector D, correspondiente al personal d'alministración y servicios.
