El rector de la Universidá d'Uviéu, Santiago García Granda, y el presidente de Caxa Rural d'Asturies, José María Quirós Rodríguez, roblaron nel Edificiu Históricu de la institución académica un conveniu de collaboración para crear la Cátedra Caxa Rural d'Asturies d'Industries y Procesos Agroalimentarios.

 

La Cátedra va planiar y va executar programes, acciones y actividaes de distinta naturaleza, especialmente rellacionaos col fomentu del sector agroalimentario, la promoción de la calidá ya innovación, la constitución d'un puntu d'alcuentru del sector, l'establecimientu d'un foru para opiniones especializaes o la contribución a la formación nel sector. Coles mesmes, va escorrese'l sofitu tecnolóxicu y de llaboratoriu, la promoción de la investigación nel sector, la meyora de la tresferencia de la conocencia dende la universidá, según l'espardimientu a la sociedá de les temes d'interés alimentarios.

 

En concretu, van poder realizase trabayos d'investigación, desenvolvimientu ya innovación, proyectos, tesis doctorales, o trabajo fin d'estudios; acciones de divulgación y tresferencia de conocencia; xornaes de divulgación técnica, tecnolóxica y/o artística, publicaciones, etcétera. Tamién podrán llevase a cabu remanes formatives, collaboración nel diseñu y impartición de programes de posgráu, ayudes d'estudios, financiamientu para práctiques y premios para estudiantes, conferencies, seminarios y talleres; según l'aportación, alquisición y/o caltenimientu d'equipamientu científicu-técnicu, software, fondos bibliográficos o documentales.