template-browser-not-supported

Servicio de Investigación

Serviciu d’Investigación

El Serviciu d'Investigación lleva a cabu la xestión integral de la investigación de la Universidá d'Uviéu. Realiza funciones d'información, espardimientu, xestión, siguimientu y xustificación de les distintes acciones que la Universidá d'Uviéu desenvuelve pal desempeñu de la función investigadora y actúa como nexu ente los diversos organismos y entidaes financiadores y los investigadores.

El Serviciu d'Investigación encárgase d’afayar y esparder ente la comunidá universitaria y científica les convocatories de beques, ayudes, contratos y proyectos d'investigación publicaos nos Boletines Oficiales rexonales, nacionales y estranxeros, amás de los ufiertaos por organismos, fundaciones, empreses, de calter públicu o priváu. Tamién realiza xeres d'asesoramientu relatives a la preparación de contratos y convenios d'investigación y pa la presentación de los pidimientos y los plazos de les convocatories públiques.

Fai tamién la xestión económica de la investigación, xestión de contratos al personal investigador y de contratos de compra d'equipamientos, tramitando los pagos de tolos gastos realizaos nos proyectos y ayudes d'investigación de les convocatories nacionales, rexonales, europees ya internacionales, lo mesmo que de contratos, subvenciones y otres ayudes públiques y privaes. Coles mesmes, avía la xustificación de los mesmos énte los organismos enantes citaos.

Pa realizar la xestión integral de la investigación, la Universidá d'Uviéu cuenta con una ferramienta informática propia, denominada Portal del Investigador.

Enllaces