La Universidá d'Uviéu da-y arrimu a los sos investigadores al traviés d'una serie de servicios y d'equipamientos técnicos que realicen distintes funciones a lo llargo del ciclu de vida d'un proyectu d'investigación.
Estos servicios trabayen en distintos ámbitos:
Serviciu d'investigación y Oficina de Proyectos europeos. Sofiten al personal investigador col espardimientu de convocatories, preparación de propuestes, negociación de contratos y xestión integral de les ayudes.
Oficina de Tresferencia de Resultaos d'Investigación (OTRI). Sofita la protección de resultaos d'investigación y la negociación y xestión de contratos de tresferencia de tecnoloxía.
Servicios Científico-Técnicos. Esti recursu facilita la prestación de servicios d'análisis, ensayos y apoyu tecnolóxicu para los grupos d'investigación al traviés d'unidaes dotaes con un modernu equipamientu científicu.
Biblioteca de la Universidá d'Uviéu. Dexa l'accesu a la información bibliográfica de sofitu a la investigación y xestión de la producción científica de los investigadores y el repositoriu institucional.
La xestión de la investigación realízase col sofitu del Serviciu d'Investigación, pa proyectos rexonales, nacionales y en collaboración con empreses y entidaes públiques y privaes. La Oficina de Proyectos Europeos encárgase de los proyectos internacionales, y l'Oficina de Tresferencia de Resultaos d'Investigación (OTRI) cuerre al cargu de la tresferencia de conocimientu a la empresa.
La Universidá d'Uviéu cuenta tamién cola collaboración de la Fundación Universidá d'Uviéu que tien un enfoque pa la investigación en collaboración cola empresa y el sofitu a los investigadores n'otres acciones complementaries a la investigación, como entamar congresos o reuniones científiques.
