L'apuesta pola internacionalización que desarrolló nos últimos años la Universidá d'Uviéu da un impulsu a los programes de movilidá del personal docente ya investigador pa que faiga estancies n'universidaes y centros docentes ya investigadores punteros fora d'España.

Los profesores ya investigadores de la institución académica asturiana disponen de distintos programes, xeneralmente financiaos pola Unión Europea, que faciliten el so treslláu a otros centros internacionales tanto pa recibir formación como pa desenvolver proyectos d'investigación conxuntos o impartir docencia.

Proyección internacional

La captación de talentu internacional y l'establecimientu de redes y aliances con otres instituciones son acciones claves de la estratexa d’internacionalización de la Universidá d'Uviéu. Pa ello, la institución promueve ayudes pa estancies temporales de profesores ya investigadores estranxeros y facilita tamién les visites de científicos y les conferencies, asina como la realización de proyectos d'investigación conxuntos con centros internacionales.

La Universidá d'Uviéu cuenta con destacaos grupos d'investigación que desarrollen proyectos conxuntos con otros centros d'educación superior internacionales. Tanto en docencia como n'investigación, la institución académica tien roblaos alcuerdos de collaboración con instituciones de tol mundu.