template-browser-not-supported

Extensión universitaria

Estudios d'estensión universitaria

La Universidá d'Uviéu entama aules, cursos d'estensión universitaria y programes de branu que contribuyen a completar la formación de los sos estudiantes y de la sociedá asturiana en xeneral y que, na so mayor parte, pueden convalidase por ECTS (enseñances renovaes).

La estensión universitaria ye una de les actividaes con más raigañu na Universidá d'Uviéu, que foi la so fundadora n'España en 1898. Trátase d'una contribución al desarrollu social, cultural y económicu d'Asturies pentemedies del espardimientu de la ciencia, la cultura y l'arte, y realízase al traviés de cursos, conferencies y tou tipu d'actividaes culturales y formatives, con medios propios o en collaboración con entidaes públiques o privaes.

Como norma xeneral, estos cursos y actividaes son de llibre accesu. Nos casos nos qu'asina se prevea, l'asistencia y participación ye susceptible de reconocimientu de creditos ECTS (n'enseñances renovaes) o créditos de llibre eleición (enseñances nun adaptaes al EEES). La ufierta inclúi aules d'estensión universitaria, de conteníu bien variáu y actual; cursos d'actualización profesional; cursos d'estensión universitaria que s'ufierten nel territoriu de la comunidá autónoma.

Documentos