El Departamentu de Filosofía ye l'encargáu de la docencia y la investigación en disciplines filosófiques dientro de la Universidá d'Uviéu. Estes disciplines inclúin la ética (y dientro d'ella, la bioética), la filosofía moral y política, la estética y teoría de les artes, la lóxica, la filosofía del llinguaxe, la filosofía de la mente, la filosofía de la ciencia y la tecnoloxía (incluyida la filosofía de les ciencies humanes y sociales), la metafísica, la filosofía de la relixón, l'antropoloxía filosófica, la historia de la filosofía, la filosofía de la historia, la teoría del conocimientu y la filosofía natural.

El Departamentu de Filosofía fai tamién llabores d'espardimientu de la filosofía y aspira a sirvir de nuedu na rede que conecta a toles persones y instituciones que cultiven la filosofía dientro d'Asturies coles que lo faen n'otres partes del mundu. El Departamentu de Filosofía engloba cuatro árees de conocimientu: Estética y Teoría de les Artes, Filosofía, Filosofía Moral y Lóxica y Filosofía de la Ciencia.