Tresporte

Abonu Universitariu

El Consorciu de Tresportes d'Asturies (CTA) ufierta a los estudiantes de la Universidá d'Uviéu un abonu específicu que fai más baratu'l costu de los sos desplazamientos dientro de la comunidá.

L'abonu ye mensual y l'únicu requisitu pa pidilu ye tar matriculáu na Universidá. Fai posible que los alumnos usen los servicios de tren y autobús incluyíos nel Billete Únicu del CTA.

Los estudiantes interesaos en pidir l'abonu puen facelo llueu de tar matriculaos. La solicitú pue facese pela web d'Uniovi o en cualesquiera de los puntos de venta del abonu (quioscos, llibreríes, estaciones o les oficines nel campus d'El Cristo n'Uviéu C/Catedrático Rodrigo Uría – Posa del autobús).

Dempués d'unos díes podrás recoyer la to tarxeta nel mesmu puntu de venta onde la pidieres o nel qu'escoyeres on line y cargala con un mes de validez, qu'entamará a cuntase de magar faigas el primer viax.

Pa más información sobro l'Abonu Universitariu pues consultar en::

  • Venta de Billetes d'ALSA nes estaciones d'autobuses d'Uviéu, Xixón, Avilés
  • Oficines del CTA n'Uviéu - Av/ Julián Clavería, 11 (33006 - Oviedo)

Bonu 10

Otra opción económica pa los desplazamientos ye'l Bonu 10 de CTA, que fai posible mercar un tique de diez desplazamientos a un preciu más baxu. El Bonu 10 pue mercase en cualesquier puntu de venta habitual (ventes de billetes d'estaciones, quioscos, llibreríes, etc).

Centru Bus Universidá

El serviciu Centru Bus Universidá del CTA comunica los campus universitarios coles ciudaes d'Uviéu, Xixón y Avilés, faciendo poses pa garrar y dexar viaxeros nes sos ciudaes d'orixe en trayeutos interurbanos (nun se hai posibilidá de facer servicios urbanos nestos trayeutos).

Pa desplazamientos dientro de la ciudá puen usase los mesmos Bonos y Abonos del CTA nes llinies urbanes (sacante na ciudá d'Uviéu). El serviciu Centru Bus Universidá ufierta horarios axustaos al calendariu académicu nes sos rutes.