Tresporte

Los universitarios y los visitantes qu’apuerten a la Universidá d’Uviéu cunten con munches combinaciones pa llegar a Asturies, movese pela comunidá y treslladase ente campus. Los estudiantes tienen ventayes específiques y descuentos.

La rede de tresporte públicu n'Asturies fai posible que los pasaxeros tengan un ampliu rangu d'horarios y opciones pa treslladase pela comunidá. El Consorciu de Tresportes d'Asturies (CTA) cunta un Abonu Universitariu que, mensualmente o en bonos de diez desplazamientos, ufierta a los estudiantes un descuentu del 10 por cientu nos sos viaxes.

Los campus universitarios cunten con una amplia rede de conexones de tresporte públicu. Los estudiantes tienen un abonu especial de tresporte con descuentos especiales

El serviciu Centru Bus Universidá, del mentáu consorciu, comunica los campus universitarios con Uviéu, Xixón y Avilés, faciendo poses pa garrar y dexar viaxeros nes sos ciudaes d'orixe. Dende l'añu 2006 pue usar estos servicios cualesquier viaxeru y ye posible usar tanto los Abonos Universitarios CTA como cualesquier otra clas de Bonu 10 o Abonu mensual CTA.

El compromisu de la Universidá d'Uviéu cola caltenibilidá y el mediu ambiente amuésase nel so apueste pol tresporte públicu y na so collaboración dafechu coles alministraciones responsables de les polítiques de movilidá. Nos caberos años tamién s'afaló l'usu de la bicicleta pa los tresllaos ente campus nuna mesma ciudá, cola instalación d'aparcabicis, y tamién l'usu del coche llétricu.

Les comunicaciones d'Asturies col restu de la Península ufierten al viaxeru la posibilidá del avión, el tren o l'autobús. En casu de que s'escoyere'l vehículu particular, l'accesu a la comunidá pue facese per víes d'alta capacidá o carreteres de rede secundaria con paisaxes privilexaos nel so percorríu.