Caltenibilidá

La Universidá ha tener un papel cimeru nel espardimientu y aplicación de posibles igües y alternatives a los problemes ambientales a los que s'enfrenta la sociedá. Poro, la institución académica asturiana fixo de so'l retu d'amenorgar el so impautu medioambiental y concienciar a la comunidá universitaria sobro comportamientos y vezos caltenibles.

El proyeutu del Campus d'Escelencia Internacional punxo especial procuru nel desendolcu caltenible de los campus y nel llogru d'una mayor eficiencia na xestión. Afitáronse asina unes exes estratéxiques qu'inclúin delles actuaciones:

  • Amenorgar la xeneración de restos y meyorar el sistema de reciclax
  • Afalar l'usu de fontes enerxétiques non contaminantes y l'aforru enerxéticu
  • Afalar y esparder l'usu d'enerxíes anovables
  • Catalogar, poner en valir y enanchar el patrimoniu vexetal de los campus

L'esfuerciu por desaniciar sistemes de xeneración d'enerxíes contaminantes, sustituyir lluminaries por otres de baxu consumu o ameyorar la planificación de dellos espacios comunes nos campus y centros fixo posible racionalizar el gastu d'agua, gas y lletricidá.

El reciclax ye otru de los pegollos de la política de caltenibilidá de la Universidá d'Uviéu. P'afalar la cultura del reciclax, punxéronse dos clases de contenedores en tolos centros: contenedores confidenciales pa papel (que namái'l personal de la llimpieza pue abrir) y contenedores xenerales de reciclax pa papel, vidru y plásticu.