Espaciu solidariu

El Programa de Práutiques de Voluntariáu pa los estudiantes de grau inxértase dientro de los entamos d'Espaciu Solidariu de la Universidá d'Uviéu y el so compromisu cola sociedá asturiana y col afalamientu de los valores de solidaridá, xusticia ya igualdá.

Los alumnos que faigan llabores voluntarios n'organizaciones podrán ver reconocíu esti trabayu con creitos optativos nos sos estudios de grau. Los requisitos necesarios pa pidir la convalidación de creitos conséñense nos Estatutos de la propia Universidá d'Uviéu y nel Estatutu del Estudiante: al alumnu podrá reconocése-y dende 1 creitu (por cada 25 hores de dedicación) hasta 6 creitos ECTS, nos sos estudios de Grau (con un máximu de 3 ECTS por cursu académicu).

Pal llogru d'esta reconocencia precisaráse un informe de la persona que tutele esi voluntariáu na organización y otru informe de la Direutora d'Estaya de Proyeición Social del Vicerrectoráu d'Estudiantes.

Pa ser voluntariu de la Universidá d'Uviéu l'únicu requisitu ye tar dispuestu a dedicar daqué tiempu en beneficiu de dalguna xera social

Les entidaes que collaboren nel Programa de Práutiques de Voluntariáu son:

Pa ser voluntariu de la Universidá d'Uviéu l'únicu requisitu ye estar dispuestu a dedicar daqué tiempu d'ociu pa emplegalo en beneficiu de dalguna xera social. Ente estos entamos tán los que vienen darréu:

  • Atención a persones mayores dependientes o enfermes.
  • Sofitu escolar a menores en riesgu de dixebra social.
  • Creación de redes sociales que favorezan l'inxerimientu social de determinaos coleutivos.
  • Participación en programes de prevención de drogodependencies.
  • Sofitu sanitariu a persones en riesgu de dixebra social y a les estayes de la población más desprotexíes.
  • Collaboración en xeres d'acompañamientu y sofitu a persones con discapacidá.
  • Encontu a inmigrantes n'iniciatives d'alfabetización y educación.
  • Desendolcu de proyeutos solidarios propuestos por cualesquier miembru de la comunidá universitaria, asociaciones d'estudiantes y ONGs.
Correu electrónicu
espaciosolidario@uniovi.es