Espaciu solidariu

El compromisu de la Universidá d’Uviéu cola sociedá algama a toles estayes y ye especialmente fondu colos coleutivos más desfavorecíos. Poro, l’Espaciu Solidariu de la institución académica afala munches iniciatives pa que la formación estrictamente académica se vea complementada con una educación en valores cívicos, solidarios y d’igualdá.

L'Espaciu Solidariu, lleváu pola Estaya de Proyeición Social del Vicerrectoráu d'Estudiantes, ye un puntu d'alcuentru pal desendolcu d'entamos rellacionaos direutamente cola responsabilidá social universitaria. Ún de los llabores más destacaos ye'l programa de voluntariáu en collaboración con estremaes organizaciones sociales. La participación nesti entamu tien una reconocencia oficial de creitos pa los estudiantes que participen.

La Universidá d'Uviéu entamó un programa de voluntariáu n'organizaciones sociales que da a los estudiantes una reconocencia oficial de creitos nos sos estudios

La sensibilización dientro y fuera de los campus universitarios ye otra de les xeres que se desendolquen dientro del Espaciu Solidariu. A lo llargo del añu entámense cursos, talleres y esposiciones empobinaes a llograr una mayor concienciación ente la comunidá universitaria.

En setiembre de 2008 la Universidá d'Uviéu inscribióse nel Rexistru d'Entidaes de Voluntariáu, resultando escoyida pa formar parte del Conseyu de Voluntariáu del Principáu d'Asturies, con una constitución que se fixo'l 27 de payares de 2009.

Documentos rellacionaos

  • Programa de xeres solidaries . Estremáu D) Actividaes solidaries y de responsabilidá social: a propuesta del Vicerrectorado competente en materia d'estudiantes.