Deporte

La Universidá d'Uviéu tien instalaciones deportives nes tres ciudaes nes que tán asitiaos los sos campus. Les infraestructures deportives de la institución académica ponen al algame de los sos alumnos y personal una ufierta granible de disciplines con toles comodidaes.

Arriendes d'ello, los equipamientos allugaos nos sos campus, la Universidá cunta con un agospiu universitariu con precios amañosos na estación invernal de Payares pa tolos aficionaos al monte y la práutica del esquí.

Instalaciones deportives n'Uviéu

N'Uviéu tán centralizaos tolos servicios alministrativos. L'estadiu al aire llibre tien un pista sintética d'atletismu, circuitu sintéticu pa facer carrera continuada, campu de fútbol, pista de fútbol sala, pista de tenis y faza pa llanzamientos.

L'edificiu qu'alluga la piscina climatizada tien otres dependencies, una sauna masculina y otra femenina, sala polivalente y sala de fitness-ximnasiu. Finalmente, la instalación del polideportivu cubiertu xunto cola pista polideportiva cunta coles oficines de xestión y residencia de deportistes.

Instalaciones deportives en Mieres

Nel Campus de Barreo de Mieres allúgase con un polideportivu cubiertu con pista polideportiva que tien, amás de sala polivalente, sauna, sala de fitness-ximnasiu y oficines de xestión. Hai tamién cuatro pistes de pádel, dos de tenis, campu d'herba sintético pa la práutica de fútbol siete y circuitu de povisa pa facer carrera continuada.

Instalaciones deportives en Xixón

ENel campus de Viesques de Xixón hai pistes albentestate pa la práutica de fútbol sala, baloncestu y tenis.

Agospiu universitariu El Brañillín en Payares

Esta instalación, asitiada na estación ivernal de Payares, a la vera de les pistes, cunta con cuartos pa dos, cuatro y seis persones, sales pergrandes, cafetería y aparcadoriu.