Estensión Universitaria

La Universidá d’Uviéu ye, por tradición, ún de los motores culturales d’Asturies. Pente medies de la so Estensión Universitaria, la institución académica programa una abondosa axenda de xeres gratuites que ponen al algame de toos música, teatru, conferencies, esposiciones y cine.

Les Aules d'Estensión Universitaria son un apueste claru por averar la conocencia a la sociedá con un conteníu centráu na música, el teatru, la lliteratura, el derechu o l'arqueoloxía, abiertes al públicu, gratuites y participatives. Les aules tienen una llende d'almisión que cubre por estrictu orde de preinscripción.

Pola participación nesti tipu d'actividaes, los estudiantes universitarios a quien se-yos acredite una asistencia d'un mínimu del 90% van poder solicitar la reconocencia de 2 creitos ECTS (enseñances anovaes) o llograr 3 creitos de llibre configuración ensin calificación (estudios ensin afaer al EEES).

El programa d'estes aules camuda cada cursu, ya inclusive en dellos casos ufiértense distintes temátiques cada cuatrimestre:

  • Aula de Teatru
  • Aula de Música Pop-rock
  • Aula de Música: Ópera y Zarzuela
  • Aula de Música Iberoamericana: Grupu d'Uviéu (AMIGU)
  • Aula de Llectura: Prosa
  • Aula de Llectura: Poesía
  • Aula d'Alderique
  • Aula Xurídica
  • Aula d'Arqueoloxía

Matrícula al traviés d'internet

  • Aportar dende equí usando un (PIN) clave d'accesu  de la que disponen les persones que tuvieron matriculaes na Universidá en dalguna ocasión a partir del añu 1997. Si desconoz el PIN ye necesariu contactar coles oficines d'Estensión Universitaria.
  • Cuando s'apuerta a la Universidá d'Uviéu per primer vegada, nel caxellu del USUARIU pon el númberu del DNI y déxase en blancu'l campu previsto pal PIN. Al rematar el procesu, el mesmu sistema otorga la clave d'accesu, que va ser utilizada nos socesivu pa cualquier xestión que se tenga que realizar al traviés d'Uniovi-directu.

Unidá d'información y matrícula

Dirección
C/ Principáu 3. Planta baxa, Uviéu
Teléfonu
985 10 39 30

Más información

Dirección
Vicerrectorado d'Estensión Universitaria y Comunicación. C/ Principáu 3, primer planta.
Teléfonu
985 104 910
Corréu Electrónicu
dirextension@uniovi.es

Enllaces rellacionaos