Estensión Universitaria

La Universidá d’Uviéu ye, por tradición, ún de los motores culturales d’Asturies. Pente medies de la so Estensión Universitaria, la institución académica programa una abondosa axenda de xeres gratuites que ponen al algame de toos música, teatru, conferencies, esposiciones y cine.

Hai más d'un sieglu qu'un grupu d'intelectuales de la Universidá, conocíu como Grupu d'Uviéu, xestóEstensión Universitaria como una sienda p'abrir la universidá y facer accesible'l conocimientu a tola sociedá. El so llegáu espardióse per toa España ya Iberoamérica y güei'l papel de les universidaes na vida cultural ye cada vegada más activu ya importante.

Col envís de poner pontes y estrechar llazos, la Universidá d'Uviéu collabora con estremaes instituciones públiques y privaes pa entamar dixebraos eventos a lo llargo del añu, que faen por llegar a tolos requexos de la comunidá.

El Centru Cultural LAUDEU (L'Antigua Universidá d'Uviéu), allugáu nel Edificiu Históricu, ufierta un llugar incomparable pa bona parte de les xeres. Nesti inmueble emblemáticu fáense esposiciones, conferencies, alderiques, actos académicos, ciclos de cine y la docencia de gran parte de les aules especializaes abiertes a la sociedá en xeneral, los más de los actos que cada añu se faen cola xida de la entrega de los Premios Príncipe d'Asturies.

L'anovamientu cultural ye ún de los ñicios d'identidá de magar, hai más d'un sieglu, el Grupu d'Uviéu entamare la Estensión Universitaria. Güei, la Universidá ye un motor cultural na comunidá con una ufierta universal y gratuita de xeres

El compromisu de la Estensión Universitaria nun ye namái pa coles grandes ciudaes: Uviéu, Xixón y Avilés. El programa cultural de la Universidá enfótase por llevar una ufierta estremada a llugares más pequeños y alloñaos de los centros urbanos. Los ciclos de conferencies, teatru y conciertos lleguen al oriente y occidente asturianos de la mano de la Universidá, xunto a la programación continuada del Aula Valdés Salas (Salas).

L'anovamientu cultural ye otru de los ñicios d'identidá de la Universidá d'Uviéu. Pente medies de la so galería virtual, GAUDEU, la institución académica asturiana convirtióse nun referente a la hora de poner en valir el so patrimoniu artísticu de más de cuatro sieglos d'historia. GAUDEU pon al serviciu d'investigadores y del públicu en xeneral les ayalgues artístiques de la institución nun ambiciosu proyeutu afitáu na última teunoloxía.