Los campus

La Universidá d’Uviéu tien siete campus asitiaos na exa central d’Asturies, nes ciudaes d’Uviéu, Xixón y Mieres. Magar la so dispersión xeográfica, el modelu de campus encartíyase al rodiu de la especialización docente ya investigadora, la caltenibilidá y la creación d’espacios de socialización que dexen una meyor convivencia universitaria.

La fastera central d'Asturies constitúi un espaciu estremáu poblacionalmente, con una alta capacidá de comunicación. Esta alta concentración de población y actividá influyó nel asitiamientu físicu de la Universidá d'Uviéu, qu'al empar foi desendolcándose y espardiéndose hasta dibuxar tres fasteres universitaries principales: Uviéu, Xixón y Mieres

El Campus d'Escelencia Internacional de la Universidá d'Uviéu fai un apueste pola tresformación de los sos espacios n'instalaciones con procuru pa col mediu ambiente, empobinaes na so xestión por principios de caltenibilidá.

Nel casu particular d'Uviéu –a la escontra de Xixón o Mieres-, los estremaos asocedíos del so desendolcu nel llugar fixeron que se diere una dispersión de los centros y servicios pela ciudá y un aisllamientu de dalgunos d'estos centros que se caltienen como "islles" metanes faces residenciales.

Llueu de la reordenación fecha dientro del proyeutu Ad Futurum, col que se llogró l'acreitación como Campus d'Escelencia Internacional, los campus especializáronse de mou qu s'axuntaron centros con enseñances asemeyaes. Esti procesu de fusión, nel que se desaniciaron seis facultaes y escueles, púnxose como exemplu de bones práutiques per parte de la comisión d'espertos qu'analiza'l desendolcu de la Estratexa Universidá 2015.

Tolos campus tienen instalaciones completes pa la docencia y el desendolcu de la investigación, servicios científico-téunicos, biblioteques, sales d'informática, conexón wifi y otres ufiertes complementaries, nunos espacios n'abertal, con faces verdes y bones comunicaciones.

Campus d'El Cristo

Asitiáu pela rodiada d'Uviéu, na zona alta de la ciudá, el Campus d'El Cristu apigura les Facultaes de:

Campus de Llamaquique

Esti céntricu campus arrexunta les siguientes Facultaes y Escueles Universitaries:

Campus d'El Milán

Esti Campus, integráu na ciudá d'Uviéu (c/ Teniente Alfonso Martínez s/n), cuenta con delles construcciones alredor del edificiu del antiguu Seminariu Metropolitanu –d'estilu neogóticu– y apigura les Facultaes de Filoloxía, Filosofía y Xeografía y Hestoria, anguaño fundíes na Facultá de Filosofía y Lletres. Tamién se conoz como Campus d'El Milán.

Campus Uviéu Centru

Na zona central de la área universitaria d'Uviéu atópense, amás d'edificios de calter alministrativu y el mesmu edificiu históricu de la Universidá, otres construcciones qu'alluguen la Escuela Técnica Cimera d'Inxenieros de Mines (c/ Independencia, 13) y la Facultá de Psicoloxía (Plaza de Feijoo).

Campus de El Catalanes

Nesti espaciu, asitiáu nel sur d'Uviéu, atópense la Escuela d'Inxeniería Informática (Edificio Valdés Salas) y les residencies d'estudiantes ya instalaciones deportives que dan serviciu principalmente a la área universitaria d'Uviéu.

Campus de Gijon

El Campus de Xixón ta asitiáu nuna amplia zona verde del barriu de Viesques y tien un calter claramente técnicu, yá que apigura titulaciones d'inxeniería y aprovecha les sinergias de la so proximidá col Parque Científico y Tecnolóxico de Xixón. Tamién acueye la Escuela Universitaria de Relaciones Llaboral de Xixón. Pela so parte, en Llaboral Ciudá de la Cultura –mui cerca de Viesques– intégrase la Facultá de Comerciu, Turismu y Ciencies Sociales "Xovellanos" de Xixón.

Campus de Mieres

El Campus de Mieres surdió a finales del sieglu XX como iniciativa pa la reactivación económica de les contornes mineres. Ta especializáu n'Inxenieríes de la Tierra y del Medioambiente y ocupa un edificiu que recuerda a los castilletes de les mines de carbón que mientres décades fueron el motor de desenvolvimientu económicu de la zona.

Gracies a la importante inyección de los fondos pa la Reestructuración de la Minería del Carbón construyóse un complexu universitariu que cunta con tolos equipamientos necesarios, incluyendo un edificiu pa Servicios Científicu-Técnicos, una Residencia Universitaria ya instalaciones deportives.