template-browser-not-supported

Alojamiento

Múltiples opciones d'agospiu

Les opciones d'agospiu pal estudiantáu de la Universidá d'Uviéu son múltiples y axustaes a distintos presupuestos y estilos de vida. Una rexón pequeña como Asturies ufierta a los sos universitarios una alta calidá de vida y un costu d'agospiu y manutención más asequible que'l de les grandes ciudaes.

Colexos mayores y Residencies

La Universidá d'Uviéu pon a disposición de los sos estudiantes dos escepcionales colexos mayores y residencies pa llograr una estancia cómoda y integrada dafechu na vida universitaria.

N’Uviéu, nel Campus de Los Catalanes, tán ubicaos el Colexu Mayor San Gregorio, el Colexu Mayor América y la Residencia Altamira, esta última destinada a profesores visitantes y posgraduaos. Estos aloxamientos tán situaos nun entornu privilexáu dotáu d’amplies zones verdes frente al Parque d’Iviernu o de La Manxoya y coles instalaciones deportives universitaries anexes, amás de cercanes al cascu históricu de la ciudá. Los colexos mayores ofrecen el meyor aloxamientu con serviciu de llimpieza, manutención, conexón wifi pa tolos miembros de la comunidá universitaria, así como pa estudiantes, profesores y personal de l’alministración y servicios d’otres universidaes que pertenezan a eduroam.

Nel Campus de Mieres, la residencia universitaria ufierta un modernu agospiu, con 112 places n'habitaciones y estudios. L'edificiu, que cuenta con servicios de biblioteca, sala d'informática, restaurante autoserviciu y wifi en toles árees, ta situáu al pie de les instalaciones de docencia, investigación y deportes del campus, a escasos minutos a pie del centru de la ciudá y xusto frente a la so estación d'autobuses.

Nel Campus de Xixón, ta previsto construyir una moderna instalación que va facilitar 200 places d'agospiu pal alumnáu del campus.

Pa más información sobre estes residencias, al traviés del corréu electrónicu infocolegios@uniovi.es o telefónicamente nel 985 10 95 65 / 985 10 95 12.

Agospiu pa estudiantes internacionales

Programa d’agospiu en families pa estudiantes internacionales matriculaos en cursos d’español en La Casa de les Llingües

Mudase a otru país supón un cambéu drásticu d’entornu y costumes. Los estudiantes internacionales matriculaos en cursos d’español en La Casa de las Llingües de la Universidá d’Uviéu tienen la opción de ser acoyíos por una familia asturiana durante la so estancia n’España. La Oficina de Relaciones Internacionales facilita orientación al alumnu demandante d’agospiu.

Ufierta d’arriendu de pisos o habitaciones: https://sies.uniovi.es/alojamientos-jsf/web/login.faces

Otres opciones

Amás de les opciones anteriores, distintes instituciones y ayuntamientos cunten con opciones específiques d'agospiu pa estudiantes, como Fundoma o’l Conceyu de Xixón. Nesti últimu casu, el conceyu ufierta una serie d'opciones y ayudes pal agospiu, especialmente pa estancies de llarga duración.

Enllaces relacionaos

Documents