Agospiamientu

Les posibilidaes d’agospiamientu pa los estudiantes de la Universidá d’Uviéu son abondes y axustaes a estremaos presupuestos y estilos de vida. Una comunidá pequeña como Asturies ufierta a los sos universitarios una calidá de vida d’altor y un costu d’agospiamientu y mantención más accesibles que’l de les grandes ciudaes.

El Centru d'Información de Vivienda al Estudiante (CIVE) ufre ayuda a los alumnos de la Universidá d'Uviéu que busquen pisu d'arriendu. El CIVE, dependiente del Vicerrectoráu d'Estudiantes, ye un serviciu gratuitu dafechu que cunta con una bayorsa ufierta de pisos.

D'igual mou, ensin costu dalu, esti centru pon al algame de los propietarios de viviendes que quieran arrendar, una rellación na que se centralicen más de 1.100 consultes añales.

Aconséyase a los estudiantes que, enantes de facer dalgún pagu o roblar cualesquier documentu, comprueben personalmente l'estáu de la vivienda y verifiquen que tien tolo preciso pa cubrir les sos necesidaes.

Faise alcordanza a los alumnos que ye importante que faigan un contratu d'arriendu. Pa cabu, convién nun se precipitar y estudiar delles ufiertes enantes de decidise por una, inclusive optar por un agospiamientu provisional, hasta qu'atopen el pisu que meyor diz coles sos necesidaes.

Datos de contacto

Teléfonu:
985 10 49 04
Dirección:
C/ González Besada, 13 – Planta Baja, 33007 Oviedo
Corréu electrónicu:
cive@uniovi.es

CIVE cunta con una plataforma de xestión on line d'agospiamientu, tanto pa demandantes de vivienda como pa persones qu'ufierten pisos n'arriendu.