Vida nel Campus

La Universidá d’Uviéu desendolca la so xera docente ya investigadora en tres ciudaes de la exa central d’Asturies: Uviéu, Xixón y Mieres, magar cunta con una pergrande y bayurosa ufierta d’entamos culturales que s’esparde per tola comunidá. Los campus cunten con servicios complementarios pa facer vidable la convivencia y el desendolcu de la vida universitaria, pa estudiantes, profesores ya investigadores y pal personal d’alministración y servicios.

La Universidá d'Uviéu ufre una formación integral enllena d'esperiencies y posibilidaes. La institución académica asturiana mira especialmente polos aspeutos complementarios a la docencia ya investigación, con especial procuru nos valores solidarios, la igualdá, caltenibilidá y l'aición social, con una estimulante ufierta cultural y deportiva.

L'oxetivu ye facer de los nuesos campus espacios de convivencia y socialización, que trespasen la idea de llugares de pasu. A los servicios qu'hai davezu nes facultaes y escueles, amiéstense tamién les instalaciones empobinaes a la investigación, biblioteques, cafeteríes, comedores, espacios comunes o sales.

L'agospiamientu en colexos mayores y residencies ye un brinde a los estudiantes pa vivir una esperiencia universitaria dafechu y la ufierta d'instalaciones deportives anovaes facilita'l desendolcu d'una vida saludable.

Too ello complétase con un ampliu programa de xeres culturales al algame de tolos universitarios y con una axenda d'eventos abiertos a tola sociedá y gratuitos. Cola idea d'averar la cultura y la ciencia a la sociedá, la Universidá d'Uviéu afondó na collaboración con dalgunes de les instituciones públiques y privaes de más sonadía de la comunidá.

L'atención profesional qu'empresta la ONEO a cada estudiante ye personalizada y confidencial, afaciéndose a les necesidaes de cada casu

La normalización de los estudiantes con cualquier tipu de discapacidá dientro de la vida universitaria tamién inclúi la organización de distintos programes de sensibilización ya información dientro de la Universidá. El programa de beques d'acompañamientu a estudiantes con discapacidá supon un exemplu claru de cooperación.

El llabor d'asesoramientu y ayuda de la ONEO non yá tien como destinatarios a los estudiantes, sinón tamién al profesoráu. Los técnicos de la ONEO cunten con información y recursos específicos que pueden ayudar a los docentes a emprestar una mayor y meyor atención a los sos alumnos con necesidaes específiques.

Contautu

Señes:
C/ González Besada 13, 1ª planta, 33007-Uviéu
Correu electrónicu:
oneo@uniovi.es
Teléfonu:
985 10 29 22
Horariu d'atención al públicu:
De llunes a vienres, de 9 a 15 hores.

Documentos rellacionaos

  • Cuestionariu d'evaluación de necesidaes educatives específiques.