Práutiques

Pente medies de les práutiques esternes, los estudiantes aníciense nel exerciciu de les xeres profesionales venceyaes a la so formación, preparándose d'esti mou pal so inxerimientu nel mercáu de trabayu.

La Universidá d'Uviéu fai un apueste pola adquisición d'esperiencia profesional de los sos estudiantes per aciu de la fechura de práutiques esternes, que xestionen los centros docentes. Los procesos de comunicación y seleición fáense pente medies de la aplicación informática del serviciu d'emplegu universitariu.

Los estudiantes tamién puen participar en xeres de sofitu a los servicios universitarios con beques de collaboración. Asina mesmo, la Universidá, per aciu del Vicerrectoráu d'Internacionalización y Posgráu, xestiona les beques Erasmus práutiques.

Podrán optar a estes práutiques los estudiantes matriculaos en cualesquier titulación oficial que se dea na Universidá d'Uviéu o nos centros venceyaos a la mesma, lo mesmo que los estudiantes d'otres universidaes españoles o internacionales de resultes de programes o convenios de collaboración. Nun podrán participar nin los titulaos nin los que tengan superada la carga llectiva global del plan d'estudios que-yos da derechu a la titulación.

Cuando una entidá o institución pida un estudiante concretu habrá cuntar col informe previu del centru, departamentu o institutu nel que l'alumnu fai los sos estudios, siendo'l vicerrectoráu competente en materia d'estudiantes el que resuelva l'autorización del desendolcu de les práutiques.

Esceicionalmente, los estudiantes podrán pidir la realización de les práutiques esternes nuna determinada empresa, entidá o institución col preste d'ésta y llueu del informe del centru, departamentu o institutu correspondiente.

Arriendes d'ello, hai un programa de beques remuneraes de formación práutica n'empreses empobináu a titulaos de la Universidá d'Uviéu nos caberos cuatro años. El programa, xestionáu pola Fundación Universidá d'Uviéu, faise per aciu de convenios de collaboración con empreses tanto nacionales como internacionales y ufre al alumnáu beneficiario la oportunidá d'establecer contautu col ámbitu llaboral, promocionase profesionalmente y acceder al so primer emplegu.

Programa Prácticas Externas "Banco Sabadell"

Programa de becas Santander para realizar prácticas en PYMES, curso 2015-2016

Ya está abierta la V Convocatoria del Programa de Becas Santander CRUE CEPYME para la realización de prácticas en pequeñas y medianas empresas, correspondiendo a la Universidad de Oviedo 180 becas. Las prácticas se realizarán entre el 1 de abril y el 30 de septiembre de 2016. La inscripción podrá efectuarse hasta el próximo 31 de enero, *exclusivamente a través del sistema habilitado a tal efecto en la web del Banco Santander*.