Conseyu llaboral

La Universidá d’Uviéu sofita a los sos alumnos con múltiples recursos d’asesoramientu y conseyu llaboral, en tolos sos centros, col envís d’informar a los estudiantes sobro les salíes llaborales de los sos estudios, un primer pasu necesariu nel so camín a les práutiques y l’emplegu.

Conocer en qué ámbitu pue'l recién tituláu desendolcar meyor la so profesión y qué pue ufiertar a les empreses ye'l primer pasu enantes d'entamar la busca d'emplegu. La Universidá d'Uviéu ufierta una completa información y conseyu a los estudiantes que tán p'acabar los sos estudios o vienen d'acabalos. Amás, apúrre-yos estratexes y preseos pa que la so busca d'emplegu seya eficiente.

Los aconseyadores llaborales disponen de puntos d'información nos campus d'Uviéu, Xixón y Mieres. Aconseyen sobro estratexes a siguir pa la ellaboración d'un currículum, cómo preparar una entrevista, les competencies profesionales de cada candidatu o les fontes au buscar ufiertes de trabayu.

El Vicerrectoráu d'Estudiantes entama, arriendes d'ello, una serie de seminarios gratuitos de conseyu llaboral a lo llargo del cursu pa sofitar al universitariu nesi procesu de busca d'emplegu.

Como complementu, l'universitariu cunta cola aplicación informática Bancuemplegu, pa estudiantes o titulaos, qu'inclúi información sobro práutiques, currículum vitae y ufiertes llaborales. A l'aplicación accédese coles claves personales de la Universidá d'Uviéu

Pa más información sobre práctiques: tfnu. 985 10 41 05 y correu eleutrónicu practicasexternas@uniovi.es.