Centru de Conseyu ya Información al Estudiante (COIE)

El Centru de Conseyu ya Información al Estudiante de la Universidá d’Uviéu (COIE) ye’l puntu de referencia pa que tolos alumnos de la institución puean resolver les sos duldes. El COIE ufre información dafechu de tola ufierta d’estudios de la Universidá d’Uviéu en grau y posgráu.

L'equipu de profesionales del COIE aconseyará a cada estudiante acordies coles necesidaes, empobinándolu al departamentu o institución que pue ayudalu y dándo-y tola información disponible sobro les entrugues que faiga.

El personal del COIE informa al estudiante sobro los trámites d'accesu a la Universidá, les beques disponibles o la ufierta d'estudios, ente otres cuestiones

Amás, el COIE ye'l puntu d'información nel que los estudiantes de la Universidá podrán facer los trámites rellativos a certificaos, títulos, matriculación, reconocencia de creitos y convalidaciones, evaluación o tolo rellativo a les convocatories de los sos planes d'estudios, ente otres cuestiones. El personal del COIE tamién apurrirrá tola información rellativa a beques y ayudes d'organismos oficiales.

Aquellos alumnos que quieran consultar les sos opciones pa estudiar n'otra universidá española o estranxera tamién podrán atopar tola información disponible na sede del COIE o pela so páxina web.

Páxina web del COIE: http://www.uniovi.net/COIE

Contautu

Señes:
C/ González Besada, 13, 33007 (Oviedo)
Horariu d'atención al públicu:
9:00 h. a 14:00 h. (9:00 h. a 13:30 h. del 16 de xunu al 15 de setiembre, dambos inclusive)
Teléfonu:
985 10 49 04
Corréu electrónicu:
coie@uniovi.es